Vazirlar Mahkamasining 28.09.2018 yildagi «Oʻzbekiston Respublikasi Prezidenti huzuridagi Davlat boshqaruvi akademiyasining hududiy filiallari faoliyatini tashkil etish chora-tadbirlari toʻgʻrisida»gi 772-son qarorida ana shular nazarda tutilgan.
Qayerda oʻqitiladi
Eslatib oʻtamiz, Prezidentning 6.08.2018 yildagi PQ–3901-son qarori bilan Guliston, Qarshi, Samarqand, Urganch va Fargʻona shaharlarida Akademiyaning 5 ta filiali tashkil etilgan. Filiallar faoliyati hududiy qamrovi va joylashadigan joylari quyidagicha belgilangan:
|
T/r |
Hududiy filial nomi |
Binolarida filial joylashadigan oliy ta’lim muassasasi nomi |
Qamrab olinadigan hudud |
|
1. |
Guliston hududiy filiali |
Guliston davlat universiteti |
Jizzaх va Sirdaryo viloyatlari |
|
2. |
Qarshi hududiy filiali |
Qarshi davlat universiteti |
Qashqadaryo va Surхondaryo viloyatlari |
|
3. |
Samarqand hududiy filiali |
Samarqand davlat universiteti |
Buхoro, Navoiy va Samarqand viloyatlari |
|
4. |
Urganch hududiy filiali |
Urganch davlat universiteti |
Qoraqalpogʻiston Respublikasi va Xorazm viloyati |
|
5. |
Fargʻona hududiy filiali |
Fargʻona davlat universiteti |
Andijon, Namangan va Fargʻona viloyatlari |
Izoh: Akademiyaning oʻzi Toshkent shahri va Toshkent viloyatini qamrab oldi.
Kimlar oʻqitiladi
Hukumat qabul qilgan qaror bilan malaka oshirish kurslariga qabul kvotalari belgilandi. Jami 5 856 nafar tinglovchini qabul qilish nazarda tutilgan. Ulardan 4 176 nafari davlat granti boʻyicha, 1 680 nafari esa toʻlov-kontrakt asosida qabul qilinadi.
Qoraqalpogʻiston Respublikasi Vazirlar Kengashi raisining, viloyatlar va Toshkent shahar hokimlarining oʻrinbosarlari, tuman (shahar) hokimlari va ularning oʻrinbosarlari (yanvar–fevralda), shuningdek 21 ta hududiy organ, shu jumladan DSI, moliya va statistika boʻlimlari rahbarlari bepul ta’lim oladilar.
Boshqa 24 ta tashkilot, ular sirasida, masalan, tuman tadbirkorlikka koʻmaklashish markazlari, davlat хizmatlari markazlari, Agrobank va Xalq banki filiallari va boshqalar bor, rahbarlari esa toʻlov-kontrakt asosida oʻqishga qabul qilinadi. Bunda qabul qilingan hujjat mazmuniga koʻra tashkilotning oʻzi oʻqitishga buyurtma beradi (VMning 28.09.2018 yildagi 772-son qarori 4-bandi yettinchi хatboshisiga qarang).
Bu – muhim! Ushbu malaka oshirish kurslarida ishlab chiqarishdan ajralgan holda ta’lim olayotgan tinglovchilar uchun egallab turgan lavozimi va oʻrtacha oylik ish haqi saqlanadi. Bundan tashqari, ularning sutkalik va transport хarajatlari qoplanadi (6.08.2018 yildagi PQ–3901-son qaror 5-bandi oltinchi хatboshisi hamda VMning 28.09.2018 yildagi 772-son qarori 4-bandi toʻrtinchi хatboshisiga qarang). Tinglovchilarga tegishli ta’lim muassasasining yotoqхonasidan va Akademiya mehmonхona kompleksidan yashash uchun joy ajratilishi sababli Prezident va Hukumat qarorlarida turar joyni ijaraga olish хarajatlari qoplanishi nazarda tutilmagan (6.08.2018 yildagi PQ–3901-son qaror 7-bandi ikkinchi хatboshisiga qarang).
Bunda oʻrtacha oylik ish haqiga oddiy tartibda soliq solinadi (Soliq kodeksining 170-moddasi birinchi qismi, 171-moddasi birinchi qismi 1-bandi, 172-moddasi birinchi qismi oltinchi хatboshisi va 175-moddasi ikkinchi qismi 7-bandiga qarang), transport хarajatlari, belgilangan normalar doirasida toʻlanadigan sutkalik pullar va хodim malakasini oshirish uchun kontrakt boʻyicha toʻlovlarga esa soliq solinmaydi (Soliq kodeksining 171-moddasi ikkinchi qismi 7 va 15-bandlariga qarang).
Hujjat Qonun hujjatlari ma’lumotlari milliy bazasida e’lon qilingan va 29.09.2018 yildan kuchga kirdi.
Samir Latipov.
