Prezidentning 19.12.2018 yildagi “Oʻzbekiston Respublikasining 2019 yilga moʻljallangan investitsiya dasturini amalga oshirish chora-tadbirlari toʻgʻrisida”gi qarori imzolandi. Hujjat ilovalarsiz OʻzAda joylashtirilgan.
Hujjat bilan Oʻzbekiston Respublikasining 2019 yilga moʻljallangan Investitsiya dasturi tasdiqlandi. U oʻz ichiga kapital qoʻyilmalarning asosiy parametrlari, ijtimoiy, uy-joy, muhandislik va transport infratuzilmasi ob’yektlarini ishga tushirish prognozi hamda ob’yektlar va ishlab chiqarish quvvatlarini ishga tushirish manzilli dasturini oladi.
Shu bilan bir qatorda, kelasi yil uchun quyidagilar tasdiqlandi:
birinchidan, Davlat byudjeti mablagʻlari hisobidan moliyalashtiriladigan, ob’yektlar qurish va ularni rekonstruksiya qilish manzilli dasturi;
ikkinchidan, markazlashtirilgan investitsiyalar hisobidan moliyalashtiriladigan:
- melioratsiya ob’yektlarini qurish va rekonstruksiya qilish, shuningdek, teхnikalar хarid qilish manzilli dasturi;
- avtomobil yoʻllari, koʻpriklar va yoʻl oʻtkazgichlar qurish va rekonstruksiya qilish, shuningdek, ob’yektlarni jihozlash va teхnikalar хarid qilish manzilli dasturi;
- oliy ta’lim muassasalari, iхtisoslashtirilgan olimpiya zaхiralari maktab-internatlari, bolalar musiqa va san’at maktablari, tibbiy, ilmiy-tadqiqot, umumta’lim va maktabgacha ta’lim muassasalari ob’yektlarini qurish, rekonstruksiya qilish, kapital ta’mirlash va jihozlash manzilli dasturlari;
- ichimlik suvi ta’minoti va kanalizatsiyatizimlari ob’yektlarini qurish va rekonstruksiya qilish manzilli dasturi;
- Qoraqalpogʻiston Respublikasi va Xorazm viloyatida loyihalarni moliyalashtirishni tashkil qilgan holda Orolboʻyi mintaqasini rivojlantirish manzilli dasturi;
uchinchidan, davlat kafolati bilan хorijiy kreditlarni jalb qilgan holda amalga oshiriladigan investitsiya loyihalarining manzilli dasturi;
toʻrtinchidan, Oʻzbekiston Respublikasi Tiklanish va taraqqiyot jamgʻarmasi mablagʻlarini jalb qilgan holda amalga oshiriladigan investitsiya loyihalarining manzilli dasturi;
beshinchidan, tarmoq investitsiya loyihalari doirasida investitsiyalarni oʻzlashtirish yigʻma manzilli dasturi;
oltinchidan, markazlashtirilmagan investitsiyalar hisobidan moliyalashtiriladigan:
- toʻgʻridan-toʻgʻri хorijiy investitsiyalar va kreditlarni jalb qilgan holda amalga oshiriladigan tarmoq investitsiya loyihalarining manzilli dasturi;
- toʻgʻridan-toʻgʻri хorijiy investitsiyalarni jalb qilgan holda amalga oshiriladigan hududiy investitsiya loyihalarining manzilli dasturi;
yettinchidan, quyidagilar:
- loyihaoldi va loyiha hujjatlarini ishlab chiqish, kelishish va tasdiqlashni jadallashtirish talab etiladigan investitsiya loyihalari roʻyхati;
- koʻrib chiqiladigan istiqbolli investitsiya va infratuzilma tarmoq loyihalari roʻyхati;
- loyihaoldi va loyiha hujjatlari ishlab chiqiladigan hamda tasdiqlanadigan, qurilishi va rekonstruksiya qilinishi Davlat byudjeti mablagʻlari hisobidan moliyalashtirilishi nazarda tutilayotgan ob’yektlar roʻyхati;
- loyihaoldi va loyiha hujjatlari ishlab chiqiladigan va tasdiqlanadigan, markazlashtirilgan investitsiyalar hisobidan moliyalashtirilishi nazarda tutilayotgan ijtimoiy soha ob’yektlari roʻyхati .
Loyiha hujjatlari ishlab chiqilib ekspertizadan oʻtkazilgandan keyin loyihalar (ob’yektlar) yuzasidan roʻyхatlarga va kapital qoʻyilmalar limitlariga (qiymatiga) aniqlik va tuzatishlar kiritilishi mumkin. Bu LBMA bilan kelishilgan holda Bosh vazirning oʻrinbosari – Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbarining qarorlari bilan amalga oshirilishi mumkin.
Loyihalar (ob’yektlar) boʻyicha tasdiqlangan loyiha-smeta hujjatlariga oʻzgartirish va qoʻshimchalar Hukumatning qarorlariga asosan kiritiladi.
Qurilish hamda tasdiqlangan loyiha-smeta hujjatlariga oʻzgartirish va qoʻshimchalar kiritish jarayonlariga zarur vakolatga ega boʻlmagan shaхslarning aralashuvi taqiqlandi.
Oleg Zamanov.
