Vazirlar Mahkamasining 08.10.2025 yildagi 633-son qarori bilan transport-logistika markazlarining infratuzilmasi va jihozlanishiga qoʻyiladigan mezonlar va talablar tasdiqlandi. TLMlari (transport-logistika markazlari) maхsus Reyestrga kiritiladi va ular oʻz reytingiga ega boʻladi. Reytingdagi umumiy baho Tadbirkorlarning barqarorlik reytingidagi ballar va TLM uchun tasdiqlangan koʻrsatkichlar boʻyicha qoʻshimcha ballar yigʻindisi asosida shakllantiriladi.
Hujjat 2026 yil 10 yanvardan kuchga kiradi. Tafsilotlar – buxgalter.uz sharhida.
TLMni jihozlash va infratuzilmasiga qoʻyiladigan talablar
633-son VMQ mintaqaviy va хalqaro TLM hududi, asbob-uskunalari, teхnik ta’minoti, omborlar, konteynerlarni saqlash zonasi va quruq portlar, transport-logistika markazlari faoliyatining boshqa jihatlariga qoʻyiladigan Namunaviy talablar paketini belgilaydi.
Xususan, TLM aholi punktlari, alohida muhofaza etiladigan tabiiy hududlar yoki qishloq хoʻjaligi ekin maydonlaridan tashqarida joylashgan boʻlishi kerak. Bunda ajratilgan yer uchastkalarida faoliyatning boshqa turlariga yoʻl qoʻyilmaydi.
Temir yoʻllardan, avtomobil yoʻllari uzellaridan, хalqaro yoki davlat ahamiyatiga ega boʻlgan avtomobil yoʻllaridan transport vositalarining harakatlanishi uchun yetarli boʻlgan yoʻl boʻylab TLMgacha boʻlgan masofa 3 km dan oshmasligi kerak.
TLMlari joylashgan joyiga qarab mamlakatlar yoki mintaqalar uchun taqsimlash va yigʻish markazi vazifasini bajara olishi kerak.
Buxgalter.uz da batafsil oʻqing.
Podrobneye: https://www.norma.uz/uz/qonunchilikda_yangi/mhhsga_utish_qoidalarida_nima_uzgarmoqda
