Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro хavfsizligi qoʻmitasi qarori (19.03.2026-y. AV roʻyхati raqami 3791) bilan Atom elektr stansiyasida vodorod portlashidan himoyani ta’minlash qoidalari tasdiqlandi.
Hujjat Prezidentning 24.12.2024 yildagi «Sanoat, radiatsiya va yadro хavfsizligi sohasida davlat nazoratini takomillashtirishga doir qoʻshimcha chora-tadbirlar toʻgʻrisida»gi PF-224-son Farmoniga muvofiq ishlab chiqilgan.
Qoidalar quyidagilarni nazarda tutadi:
- AESni loyihalash va qurishda amalga oshiriladigan vodorod portlashidan himoyani ta’minlashga qoʻyiladigan asosiy talablar;
- AES ekspluatatsiyasida amalga oshiriladigan vodorod portlashidan himoyani ta’minlashga qoʻyiladigan asosiy talablar.
Hujjat Qonun hujjatlari ma’lumotlari milliy bazasida e’lon qilingan va 19.03.2026 yildan kuchga kirdi.
Lola Abduazimova
