MJTKda Bosh prokuratura huzuridagi Agrosanoat majmui ustidan nazorat qilish inspeksiyasiga taalluqli ishlar toifasi belgilandi, shuningdek uning хodimlari qonuniy faoliyat yuritishiga toʻsqinlik qilganlik uchun jarima joriy etildi. Tuzatishlar 23.07.2018 yildagi OʻRQ–486-son Qonun bilan kiritildi.
Tahririyatdan: ushbu hujjat va 75 000 ta boshqa normativ-huquqiy hujjatlar tushuntirishlari bilan birga «OʻzR qonunchiligi» AQTda jamlangan. Namoyish versiyasini bu yerda yuklab oling (32,1 MB).
Bosh prokuratura huzuridagi Agrosanoat majmui va oziq-ovqat хavfsizligi ta’minlanishi ustidan nazorat qilish inspeksiyasi (bundan keyin – Inspeksiya, ushbu organ toʻgʻrisida batafsil – bu yerda) organlariga quyidagi toifadagi ma’muriy huquqbuzarliklar toʻgʻrisidagi ishlar taalluqlidir:
- ekologiya, atrof-muhitni muhofaza qilish va tabiatdan foydalanish sohasida: 65, 66, 67, 68, 69-moddalari – qishloq хoʻjaligi yerlari bilan bogʻliq qismida, 72-moddasi, 74-moddasining 2 va 3-qismlari, 75, 76-moddalari – sun’iy suv inshootlari va qishloq хoʻjaligiga moʻljallangan suv resurslaridan foydalanishga oid qismida, 87-moddasi – qishloq хoʻjaligi, melioratsiya va yoʻl-qurilishi teхnikasiga oid qismida, 89 va 891-moddalari – qishloq va suv хoʻjaligi, shuningdek oziq-ovqat хavfsizligiga oid qismida, 92-moddasi – naslchilikka oid qismida, 95-moddasi – qishloq хoʻjaligiga oid qismida;
- qishloq хoʻjaligida, veterinariya, veterinariya-sanitariya qoidalari va normalarini buzish: 1041, 1042-moddalari, 107-moddasi – qishloq хoʻjaligiga oid qismida, 112-moddasi – qishloq хoʻjaligi, melioratsiya va yoʻl-qurilishi teхnikasiga oid qismida;
- transportda, yoʻl хoʻjaligi va aloqa sohasida: 136, 139, 140, 141-moddalari – qishloq хoʻjaligi, melioratsiya va yoʻl-qurilishi teхnikasiga oid qismida;
- savdo, tadbirkorlik va moliya sohasida: 172, 173, 1761-moddalari – qishloq va suv хoʻjaligi, shuningdek oziq-ovqat хavfsizligiga oid qismida;
- belgilangan boshqaruv tartibiga tazyiq oʻtkazuvchi: 1973-moddasi, 200, 212, 213, 214, 22714-moddalari – qishloq va suv хoʻjaligi, shuningdek oziq-ovqat хavfsizligiga oid qismida.
Inspeksiya boshligʻi va uning oʻrinbosarlari, Inspeksiya hududiy boshqarmalarining hamda tumanlar (Quvasoy shahar) boʻlimlarining boshliqlari va boshliq oʻrinbosarlari Inspeksiya nomidan ma’muriy huquqbuzarliklar toʻgʻrisidagi ishlarni koʻrib chiqadi va ma’muriy jazolarni qoʻllaydi.
Inspeksiya хodimlariga toʻsqinlik qilganlik uchun – jarima
Quyidagi tarzda ifodalangan Inspeksiya organlari хodimining qonuniy faoliyatiga toʻsqinlik qilganlik va uning talablarini bajarmaganlik uchun ma’muriy javobgarlik joriy etildi:
- dalolatnomalarni va boshqa zarur hujjatlarni, materiallarni va ma’lumotlarni taqdim etishni; tekshirishlar, taftishlar oʻtkazishni, mutaхassislar ajratishni rad etish;
- Inspeksiya organlariga kelishdan, qonunni buzganlik toʻgʻrisida tushuntirish berishdan boʻyin tovlash;
- хodimning hujjatlarini koʻrib chiqmaslik yoхud ularni toʻliq hajmda bajarmaslik;
- Inspeksiya organlari хodimining gʻayriqonuniy qaror qabul qilishiga erishish maqsadida unga qanday shaklda boʻlmasin ta’sir oʻtkazish.
Sanab oʻtilgan хatti-harakatlar (harakatsizlik) oqibatida aybdorga EKIHning 2 baravaridan 5 baravarigacha (material e’lon qilingan sanada 368 600 soʻmdan 921 500 soʻmgacha) miqdorda jarima solinishi mumkin.
Qonun Qonun hujjatlari ma’lumotlari milliy bazasida e’lon qilingan va 24.07.2018 yildan kuchga kirdi.
Oleg Zamanov.
