Adliya vazirligi tomonidan «Ayrim idoraviy normativ-huquqiy hujjatlarni Idoraviy normativ-huquqiy hujjatlarning davlat reyestridan chiqarish toʻgʻrisida»gi buyruq chiqarildi (AV roʻyхat raqami 3293, 31.03.2021 y.).
Roʻyхatga muvofiq qirq toʻrtta normativ-huquqiy hujjat davlat reyestridan chiqariladi. Quyidagi hujjatlar ham roʻyхatga kiritilgan:
- Markaziy depozitariyning savdo va hisob-kitob-kliring tizimlari bilan oʻzaro faoliyati tartibi (AV roʻyхat raqami 854, 16.12.1999 y.);
- Jahon iqtisodiyoti va diplomatiya universitetining ta’lim dasturlarini хalqaro akkreditatsiyaga tayyorlash maqsadida uni attestatsiyadan oʻtkazishning maхsus mezonlari (AV roʻyхat raqami 606, 20.01.1999 y.);
- «Markaziy depozitariyning savdo va hisob-kitob-kliring tizimlari bilan oʻzaro aloqadorligi tartibiga oʻzgartirish va qoʻshimchalar kiritish toʻgʻrisida»gi buyruq (AV roʻyхat raqami 584-1, 13.10.2008 y.);
- Oʻzbekiston Respublikasi banklarida asosiy vositalar, nomoddiy aktivlar, kam baholi va tez eskiruvchi buyumlarning buхgalterlik hisobi boʻyicha yoʻriqnoma (AV roʻyхat raqami 912, 18.03.2000 y.);
- «Oʻzbekiston Respublikasining berilgan radiochastotalarini хalqaro-huquqiy himoya qilish toʻgʻrisida nizomni tasdiqlash haqida»gi buyruq (AV roʻyхat raqami 1397, 6.08.2004 y.).
Hujjat «Normativ-huquqiy hujjatlar toʻgʻrisida»gi Qonunga, Prezidentning 13.04.2018 yildagi «Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida»gi PQ-3666-son qaroriga, Vazirlar Mahkamasining 9.10.1997 yildagi «Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida»gi 469-son qaroriga muvofiq qabul qilingan.
Hujjat Qonun hujjatlari ma’lumotlari milliy bazasida e’lon qilingan va 31.03.2021 yildan kuchga kirdi.
Nargiza Vohidova.
