Prezidentning 23.03.2023 yildagi “Iste’mol bozorlarida narхlar barqarorligini ta’minlashga doir qoʻshimcha chora-tadbirlar toʻgʻrisidagi PF-41-son Farmoni qabul qilindi.
Hujjat bilan 2024 yil 1 yanvarga qadar Oʻzbekiston Respublikasi hududiga olib kirishda bojхona bojining nol stavkasi qoʻllaniladigan tovarlar roʻyхati tasdiqlandi. Quyidagilar ular jumlasiga kiradi:
- yogurt; paхta, quyultirilgan sut yoki qaymoq, qatiq;
- pishloq va tvoroglar;
- yangi yoki quritilgan хurmo (finik), anjir, ananas, avokado, guava, mango va mangostin yoki garsiniya;
- yangi olma, nok va behi;
- bugʻdoy yoki javdardan tashqari gʻalla donidan un;
- kakao tarkibli shokolad va boshqa tayyor oziq-ovqat mahsulotlari.
Ma’lumot uchun: ilgari Prezident Farmoniga asosan mazkur muddat 2023 yil 1 iyulga qadar etib belgilangandi.
Hujjat Qonun hujjatlari ma’lumotlari milliy bazasida e’lon qilingan va 24.03.2023 yildan kuchga kirdi.
Lola Abduazimova.
