Президентнинг 23.03.2023 йилдаги “Истеъмол бозорларида нархлар барқарорлигини таъминлашга доир қўшимча чора-тадбирлар тўғрисидаги ПФ-41-сон Фармони қабул қилинди.
Ҳужжат билан 2024 йил 1 январга қадар Ўзбекистон Республикаси ҳудудига олиб киришда божхона божининг ноль ставкаси қўлланиладиган товарлар рўйхати тасдиқланди. Қуйидагилар улар жумласига киради:
- йогурт; пахта, қуюлтирилган сут ёки қаймоқ, қатиқ;
- пишлоқ ва твороглар;
- янги ёки қуритилган хурмо (финик), анжир, ананас, авокадо, гуава, манго ва мангостин ёки гарциния;
- янги олма, нок ва беҳи;
- буғдой ёки жавдардан ташқари ғалла донидан ун;
- какао таркибли шоколад ва бошқа тайёр озиқ-овқат маҳсулотлари.
Маълумот учун: илгари Президент Фармонига асосан мазкур муддат 2023 йил 1 июлга қадар этиб белгиланганди.
Ҳужжат Қонун ҳужжатлари маълумотлари миллий базасида эълон қилинган ва 24.03.2023 йилдан кучга кирди.
Лола Абдуазимова.
