Prezidentning 19.03.2018 yildagi PQ–3615-son «Xalqaro shartnomalarga qoʻshilish toʻgʻrisida»gi qarori e’lon qilindi.
Oʻzbekiston quyidagi 2 ta хalqaro shartnomaga qoʻshildi:
- Mustaqil Davlatlar Hamdoʻstligi ishtirokchi-davlatlari moliyaviy razvedka boʻlinmalari rahbarlarining kengashini tashkil etish toʻgʻrisidagi bitimga (Ashхobod, 5.12.2012 yil);
- Mustaqil Davlatlar Hamdoʻstligi ishtirokchi-davlatlari moliyaviy razvedka boʻlinmalari rahbarlarining kengashini tashkil etish toʻgʻrisidagi bitimga oʻzgartirishlar kiritish haqidagi protokolga (Minsk, 10.10.2014 yil).
Koʻrsatilgan hujjatlarni amalga oshirish uchun javobgar organ deb Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti belgilandi.
Hujjat Qonun hujjatlari ma’lumotlari milliy bazasida rasman e’lon qilingan va 22.03.2018 yildan kuchga kirdi.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida yaqinda tanishish mumkin.
Samir Latipov.