Бош прокуратура ҳузуридаги департамент МДҲ мамлакатлари билан молиявий разведка бўйича ҳамкорликни фаоллаштиради

Президентнинг 19.03.2018 йилдаги ПҚ–3615-сон «Халқаро шартномаларга қўшилиш тўғрисида»ги қарори эълон қилинди.

Ўзбекистон қуйидаги 2 та халқаро шартномага қўшилди:

• Мустақил Давлатлар Ҳамдўстлиги иштирокчи-давлатлари молиявий разведка бўлинмалари раҳбарларининг кенгашини ташкил этиш тўғрисидаги битимга (Ашхобод, 5.12.2012 йил);
• Мустақил Давлатлар Ҳамдўстлиги иштирокчи-давлатлари молиявий разведка бўлинмалари раҳбарларининг кенгашини ташкил этиш тўғрисидаги битимга ўзгартиришлар киритиш ҳақидаги протоколга  (Минск, 10.10.2014 йил).

Кўрсатилган ҳужжатларни амалга ошириш учун жавобгар орган деб Бош прокуратура ҳузуридаги  Солиқ, валютага оид жиноятларга ва жиноий даромадларни легаллаштиришга қарши курашиш департаменти белгиланди.

Ҳужжат Қонун ҳужжатлари маълумотлари миллий базасида расман эълон қилинган ва 22.03.2018 йилдан кучга кирди.

Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида яқинда танишиш мумкин.

Самир Латипов.