Bozorlardagi avtomobillarni vaqtincha saqlash joyiga belgilanganidan ikki baravar kam qat’iy belgilangan soliq solinadi

Endi 2017 yilning 1 yanvaridan boshlab avtotransport vositalarini vaqtincha saqlash uchun yuridik shaхslardan olinadigan qat’iy belgilangan soliq stavkasi avtomobillarni vaqtincha saqlash joyi kimning balansida ekaniga bogʻliq holda qoʻllaniladi.

Avtotransport vositalarini vaqtincha saqlash uchun yuridik shaхslardan olinadigan qat’iy belgilangan soliq stavkalari 2016 yilgi darajada saqlanib qolindi va quyidagilarni tashkil etadi:

• Toshkent shahri uchun –1 kv.m uchun oyiga 0,1 EKIH;
• Nukus shahri va viloyat boʻysunuvidagi shaharlar uchun  –1 kv.m uchun oyiga 0,06 EKIH;
• boshqa aholi punktlari uchun –1 kv.m uchun oyiga 0,04 EKIH.

Bunda bozorlar balansida boʻlgan avtomobillarni vaqtincha saqlash joylaridan qat’iy belgilangan soliq belgilanganidan ikki baravar kam stavkalar boʻyicha undiriladi:

• Toshkent shahri uchun –1 kv.m uchun oyiga 0,05 EKIH;
• Nukus shahri va viloyat boʻysunuvidagi shaharlar uchun  –1 kv.m uchun oyiga 0,03 EKIH;
• boshqa aholi punktlari uchun –1 kv.m uchun oyiga 0,02 EKIH.

Yuridik va jismoniy shaхslardan bolalar oʻyin avtomatlari boʻyicha olinadigan qat’iy belgilangan soliq stavkalari 2016 yil darajasida saqlanib qolindi va quyidagilarni tashkil etadi:

• Toshkent shahri uchun – 1 ta jihozlangan oʻrin uchun 3 EKIH;
• Nukus shahri va viloyat boʻysunuvidagi shaharlar uchun  – 1 ta jihozlangan oʻrin uchun 2 EKIH;
• boshqa alohi punktlari uchun –1 ta jihozlangan oʻrin uchun 1 EKIH.

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.

Muzaffar Mirzagʻaniyev,

ekspertimiz.

 

Mavzuga oid material:

Ishonch bildirilsin – tekshirilmasin!