Prezidentning 29.12.2017 yildagi «Oʻzbekiston Respublikasining 2018 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida»gi PQ–3454-son qarori bilan soliq imtiyozlari joriy etilishi nazarda tutilgan.
Byudjet kodeksining 60–63-moddalarida koʻrsatilgan manbalardan qoʻshimcha daromad oluvchi byudjet tashkilotlari 2023 yilning 1 yanvariga qadar quyidagilarni toʻlashdan ozod qilingan:
- undirib olinadigan barcha turdagi soliqlar;
- Respublika yoʻl jamgʻarmasiga yigʻimlar;
- maqsadli davlat jamgʻarmalariga majburiy ajratmalar.
Ma’lumot uchun: byudjet tashkiloti – davlat funksiyalarini amalga oshirish uchun davlat hokimiyati organlarining qaroriga koʻra tashkil etilgan, Davlat byudjeti mablagʻlari hisobidan saqlab turiladigan notijorat tashkilot.
Yuqorida koʻrsatilgan moddalarda quyidagilarning daromadlarini shakllantirish manbalari qayd etilgan:
- Byudjet tashkilotining rivojlantirish jamgʻarmasi;
- Tibbiyot tashkilotlarining moddiy ragʻbatlantirish va rivojlantirish jamgʻarmasi;
- Vazirliklar, davlat qoʻmitalari va idoralarning byudjetdan tashqari jamgʻarmalari;
- byudjet tashkilotlari tomonidan undiriladigan toʻlovlar hisobidan byudjetdan tashqari mablagʻlar.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida yaqinda tanishish mumkin.
Oleg Zamanov.
