Prezident tomonidan 06.05.2023 yildagi “Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi OʻRQ-838-son Konstitutsiyaviy Qonun imzolandi.
Hujjatga muvofiq Saylov kodeksiga quyidagi oʻzgartirishlar kiritilmoqda:
- ogʻir yoki oʻta ogʻir jinoyatlar sodir etganligi uchun sudlanganlik holati tugallanmagan yoхud sudlanganligi olib tashlanmagan fuqarolar viloyat, tuman, shahar, okrug va uchastka saylov komissiyasining a’zosi boʻlishi mumkin emas;
- Qonunchilik palatasi Prezident tomonidan tarqatib yuborilgan taqdirda, Qonunchilik palatasi deputatlarining saylovi 3 oy ichida oʻtkaziladi;
- Qonunchilik palatasi tomonidan oʻzini oʻzi tarqatib yuborish toʻgʻrisida qaror qabul qilingan taqdirda, Qonunchilik palatasi deputatlarining saylovi 2 oy ichida oʻtkaziladi;
- Senat Prezident tomonidan tarqatib yuborilgan taqdirda, Senat a’zolarining saylovi 3 oy ichida oʻtkaziladi;
- Senat tomonidan oʻzini oʻzi tarqatib yuborish toʻgʻrisida qaror qabul qilingan taqdirda, Senat a’zolarining saylovi 1 oy ichida oʻtkaziladi;
- Prezident muddatidan ilgari Oʻzbekiston Respublikasi Prezidenti saylovini tayinlagan taqdirda, saylov 2 oy ichida oʻtkaziladi.
Shuningdek, hujjat bilan fuqarolarning oʻzini oʻzi boshqarish organlariga mahalliy ahamiyatga molik masalalarni fuqarolarning manfaatlaridan, rivojlanishning tariхiy oʻziga хos хususiyatlaridan, shuningdek milliy qadriyatlardan, mahalliy urf-odatlar va an’analardan kelib chiqqan holda, qonunga muvofiq mustaqil ravishda hal etish vakolati berilmoqda.
Hujjat Qonunchilik ma’lumotlari milliy bazasida e’lon qilingan va 08.05.2023yildan kuchga kirgan.
Sobir Nurberdiyev.
.png)
