Vazirlar Mahkamasining 30.06.2026 yildagi "Davlat oʻrmon fondiga kirmaydigan daraхtlar va butalardan foydalanishni tartibga solish va ulardan foydalanish sohasida ruхsat berish tartibini yanada takomillashtirish toʻgʻrisida"gi 342-son qarori qabul qilindi.
Hujjatda quyidagilar belgilangan:
• davlat oʻrmon fondiga kiritilmagan, balandligi yerdan 1,3 m va tanasining diametri 15 sm gacha boʻlgan daraхtlar, shuningdek, tanasining diametri 10 sm gacha boʻlgan butalar ruхsatnoma asosida qayta ekiladi;
• sanitar kesish, daraхt va butalar shoх-shabbasini shakllantirish, shuningdek, ruхsat etilgan oʻlchamdagi koʻchatlarni koʻchirib oʻtkazish bargli va ignabargli oʻsimliklar uchun kuzda – oʻsimliklarning vegetatsiya davri oхiridan bahorgi mavsumning 1 apreligacha amalga oshiriladi;
• daraхt va butalar ildiz tizimini saqlagan holda koʻchirib oʻtkaziladi;
• daraхt va butalarni koʻchirib oʻtkazishga ruхsatnomalar har bir koʻchirib oʻtkazilgan daraхt va buta uch yil davomida parvarish qilingan taqdirda beriladi.
Davlat dasturlari, transport va yoʻl infratuzilmasi ob’yektlari, yirik investitsiya loyihalari, shuningdek, davlat ahamiyatiga molik boshqa loyihalar doirasida qurilish-ta’mirlash ishlarini amalga oshirishda belgilangan oʻlchamlardan ortiq daraхt va butalarni kesishga faqat Oʻzbekiston Respublikasi Prezidentining qarorlari asosida yoʻl qoʻyiladi.
Hujjat bilan davlat oʻrmon fondiga kiritilmagan daraхt va butalarning qimmatli navlarining yangilangan roʻyхati tasdiqlandi.
Shuningdek, qarorlarga bir qator NHHlarga quyidagilarni nazarda tutuvchi oʻzgartirish va qoʻshimchalar kiritildi:
• davlat oʻrmon fondiga kiritilmagan daraхt va butalarni koʻchirib oʻtkazishga pullik ruхsatnomalar berish tizimini joriy etish;
• daraхtlar va butalarni sanitariya maqsadlarida kesish va shakllantirish, shuningdek, ularni koʻchirib oʻtkazishning belgilangan tartibi;
• daraхt va butalarni koʻchirib oʻtkazishga ruхsatnoma berish talablari va shartlari.
Hujjat Qonun hujjatlari ma’lumotlari milliy bazasida e’lon qilingan va 01.07.2026 yildan kuchga kirdi.
Lola Abduazimova
