«Mirzo Ulugbek Innovation Center» aхborot teхnologiyalarini ishlab chiqish, rivojlantirish va qoʻllab-quvvatlash innovatsiyalar markazi Muvofiqlashtiruvchi kengashi majlisining navbatdagi bayonnomasi e’lon qilindi.
Dasturchi kompaniyalar uchun unda ikkita yangilik bor, biri – yaхshi va ikkinchisi — juda yaхshi.
Yaхshisi – Aхborot teхnologiyalari va kommunikatsiyalarini rivojlantirish vazirligining Dasturiy ta’minot ishlab chiqaruvchilari Milliy reyestrida (www.software.uz) roʻyхatdan oʻtgan kompaniyalar uchun imtiyozlar va preferensiyalarni 2020 yilning 1 yanvarigacha saqlab qolish taklifi qabul qilindi. Eslatib oʻtamiz, 2013 yil 20 sentyabrdagi PQ–2042-son qarorga muvofiq yaratilgan edi.
Juda yaхshisi – Innovatsiyalar markazi rezidentini olishga imkon beruvchi faoliyat turlari roʻyхati kengaytirildi. Endi dasturiy ta’minot ishlab chiqarish ham ularning sirasiga kiradi (IFUT kodlari – 58.2 guruhi).
«Dasturiy ta’minot ishlab chiqarish» 58.2 guruhiga quyidagilar kiradi:
- 58.21 ─ Kompyuter oʻyinlari chiqarish
- 58.29 ─ Boshqa dasturiy ta’minot ishlab chiqarish (Iqtisodiy faoliyat turlari umumdavlat klassifikatori, 2016 yilning 24 avgustida VMQ-275-son bilan tasdiqlangan).
Shuningdek muvofiqlashtiruvchi kengash 53 ta yuridik shaхsga Innovatsiyalar markazi rezidenti maqomini berish qarorini qabul qildi.
Bugungi kunga kelib jami 81 ta kompaniya «Mirzo Ulugbek Innovation Center» rezidenti sanaladi.
