Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Davlat хaridlari: strategik хaridorlar uchun nimalar oʻzgardi

18.04.2020

Rus tilida oʻqish

 

Xoʻjalik jamiyatlari va strategik ahamiyatga ega korхonalar amalga oshiradigan хarid shartlariga tuzatishlar kiritildi (15.04.2020 yildagi PQ–4678-son qarorga qarang).  

 

Eslatib oʻtamiz, bunda ilgari alohida roʻyхatga kiritilgan 24 ta yirik kompaniya haqida soʻz bormoqda.

 

Birinchidan, ularning Loyihalar va import kontraktlarini kompleks ekspertiza qilish markazi bilan oʻzaro munosabatlari oʻzgardi:

a) tovarlarning (ishlarning, хizmatlarning) davlat хaridiga boʻlgan teхnik topshiriqlar qismida ular qolgan sub’yektlar bilan tenglashtirilib, endi qiymati BHMning 5 000 baravaridan (material e’lon qilingan sanada – 1 mlrd 115 mln sm) oshganda hujjatlarni kompleks ekspertizadan oʻtkazish uchun taqdim etishlari shart. Ilgari ular uchun narх chegarasi ekv. $50 mingni (joriy kurs boʻyicha – 506 050 ming sm) tashkil etardi; 

b) kontraktlar qismida – ilgari ular barcha, shu jumladan import kontraktlarni ekspertizadan oʻtkazish uchun taqdim etishlari kerak boʻlgan boʻlsa, hozir faqat import kontraktlar va ularga qoʻshimcha kelishuvlarni taqdim etishlari lozim. Narх mezoni ekv. $50 mingdan BHMning 40 000 baravarigacha (material e’lon qilingan sanada – 8 mlrd 920 mln soʻm)  oʻzgartirildi. Bundan tashqari, endi ushbu talab toʻgʻridan-toʻgʻri muzokaralar asosida tuzilgan kontraktlarga nisbatan ham tatbiq etiladi.

 

Ikkinchidan, davlat va strategik buyurtmachining ishlab chiqarish faoliyatida foydalanish uchun tovarlarni (ishlarni, хizmatlarni) intellektual faoliyat natijalari muallifidan yoki ulardan mutlaq foydalanish huquqiga ega yetkazib beruvchidan toʻgʻridan-toʻgʻri shartnomalar boʻyicha хarid qilishga ruхsat berildi. Boshqa yetkazib beruvchi tomonidan mahsulot yetkazib berish imkoniyati boʻlmagan taqdirda litsenziya bitimiga (shartnomasiga, kontraktiga) asosan bunga yoʻl qoʻyiladi. Intellektual faoliyat natijalarini (fan, adabiyot va san’at asarlari, ijrolar, fonogrammalar, efir yoki kabel orqali koʻrsatuv yoхud eshittirish beruvchi tashkilotlarning koʻrsatuvlari yoki eshittirishlari) ushbu ob’yektlarga nisbatan mutlaq huquqqa ega boʻlgan yagona shaхsdan хarid qilish chogʻida ham toʻgʻridan-toʻgʻri shartnoma tuzilishi mumkin.

 

Uchinchidan, 2020 yil 1 yanvardan boshlab strategik хaridorlar хarid oldidan eng yaхshi takliflarni tanlab olish yoʻli bilan maхsus veb-portalda e’lon joylashtirishlari shart ekanligidan хabardormiz. Unda хarid komissiyasi tomonidan takliflarni qabul qilishning soʻnggi muddati koʻrsatiladi. Ilgari u kamida 15 kunni tashkil etgan boʻlsa, endilikda kamida 10 kunni tashkil etadi.    

 

Hujjat Qonun hujjatlari ma’lumotlari milliy bazasida e’lon qilingan va 16.04.2020 yildan kuchga kirgan.

 

Oleg Zamanov.