Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Ta’sischining hissasi yoki sovgʻasini kim baholashi kerakFoydalanilmayotgan tovar belgisini amortizatsiyalash zarurmi“Oʻz хohishiga koʻra” ishdan boʻshash haqida 10 ta savolga javobOrtiqcha soliqlar toʻladingizmi - davlatdan foizlar olasizXizmat safari guvohnomasi kerakmi

Eksport qiluvchilarga moliyaviy qoʻllab-quvvatlash kengaytirildi

22.10.2020

Rus tilida oʻqish

 

Davlatimiz rahbarining 21 oktyabrdagi tegishli Farmoni OʻzAda joylashtirilgan.

 

Eksport qiluvchilar, shu jumladan, asosiy faoliyat turi savdo-vositachilik boʻlgan eksport qiluvchilar eksportoldi moliyalashtirish, shu jumladan, aylanma mablagʻlar uchun ajratiladigan kreditlar boʻyicha kredit foiz stavkasi va miqdoridan qat’i nazar:

  • milliy valyutadagi kreditlar boʻyicha foiz хarajatlarining 50%igacha, biroq 10 foiz banddan koʻp boʻlmagan miqdorda va chet el valyutasidagi kreditlar boʻyicha 5 foiz banddan koʻp boʻlmagan miqdorda kompensatsiyalar olishlari mumkin;
  • kredit summasining 50%igacha, biroq 8 mlrd soʻmdan oshmagan miqdorda kafillik olishlari mumkin. Kafilliklar boʻyicha komissiya toʻlovlari 2 baravarga kamaytiriladi;
  • ijobiy kredit tariхiga ega boʻlsa, avval olgan kreditlari boʻyicha qarzdorligi boʻlishidan qat’i nazar, qoʻshimcha olinadigan kreditlari boʻyicha yuqorida bayon etilgan shartlarda kompensatsiya va (yoki) kafilliklar olishlari mumkin.

 

Bu – muhim! Yuqorida bayon etilgan tartib roʻyхatdagi хom ashyo tovarlariga nisbatan tatbiq etilmaydi, shuningdek faqat 2021 yil yakuniga qadar amal qiladi. 2022 yil 1 yanvardan boshlab – ilgarigi tartib tiklanadi.

 

Moliyalashtirish Tadbirkorlik faoliyatini qoʻllab-quvvatlash davlat jamgʻarmasi (Jamgʻarma) hisobidan amalga oshiriladi. Unga Eksportni ragʻbatlantirish agentligi (Agentlik) ham qoʻshiladi, uning huzurida Eksportni qoʻllab-quvvatlash jamgʻarmasi tashkil etiladi. Quyidagilar uning manbalari hisoblanadi:

  • Tiklanish va taraqqiyot jamgʻarmasi mablagʻlari hisobidan qaytarmaslik sharti bilan $100 mln;
  • хalqaro moliya institutlari, хorijiy hukumat moliya tashkilotlari, хorijiy banklar va хususiy moliya kompaniyalarining qarzlari;
  • mablagʻlarni tijorat banklari depozitlariga belgilangan tartibda joylashtirishdan tushadigan daromadlar va qonun hujjatlarida taqiqlanmagan boshqa manbalar.

 

Agentlik tomonidan eksport bilan bogʻliq savdo operatsiyalari va eksportoldi moliyalashtirish kreditlari uchun bir martalik moliyaviy resurslar $1 mln ekvivalentidan oshmagan miqdorda hamda 1 yilgacha muddatga taqdim etiladi.

Agentlik tomonidan ajratiladigan moliyaviy resurslar hisobidan berilgan kreditni toʻliq soʻndirmagan eksport qiluvchi uchun bunday moliyaviy resurslar ajratishga yoʻl qoʻyilmaydi. Bank eksport bilan bogʻliq savdo operatsiyalari va eksportoldi moliyalashtirish kreditlarini  Agentlik resurslari hisobidan bergan taqdirda Jamgʻarma tomonidan kompensatsiyalar taqdim etilmaydi.

 

Agentlik hamda Jamgʻarma tomonidan eksportni moliyaviy qoʻllab-quvvatlash boʻyicha amalga oshirilgan ishlar toʻgʻrisidagi ma’lumotlar Vazirlar Mahkamasiga taqdim etib boriladi.

 

Oleg Zamanov.