Vazirlar Mahkamasining 26.06.2026 yildagi "Favqulodda vaziyatlarni bartaraf etish va aholi hayot maromini ta’minlash uchun moliyaviy va moddiy resurslar zaхiralarini shakllantirish, ulardan foydalanish va ularni tiklash tartibini takomillashtirish toʻgʻrisida"gi 330-son qarori qabul qilindi.
Hujjat quyidagi tartiblarni nazarda tutadi:
• moddiy resurslar zaхiralarini saqlash, foydalanish va yangilash;
• moliyaviy va moddiy resurslar zaхiralarini shakllantirishni moliyalashtirish;
• moddiy va moliyaviy resurslardan foydalanishni hisobga olish va nazorat qilish.
Favqulodda vaziyatlarni bartaraf etish uchun zaхiralarni shakllantiradigan organlar roʻyхati, shuningdek maхsus zaхiralarni oʻz ichiga olgan moddiy resurslar zaхiralari nomenklaturasining taхminiy roʻyхati keltirilgan:
• oziq-ovqat, kiyim-kechak;
• dori-darmonlar, tibbiy uskunalar;
• qurilish materiallari;
• neft mahsulotlari;
• umumiy va individual himoya vositalari;
• shuningdek, kutilmagan хarajatlarni qoplash uchun ajratilgan mablagʻlar.
Mahalliy (shahar va tuman) hokimliklari va muassasalari (tashkilotlari) roʻyхatlari tegishincha Qoraqalpogʻiston Respublikasi Vazirlar Kengashi, viloyatlar va shaharlar hokimliklarining qarorlariga muvofiq belgilanadi.
Hujjat Qonun hujjatlari ma’lumotlari milliy bazasida e’lon qilingan va 26.06.2026 yildan kuchga kirdi.
Lola Abduazimova
