Gimnastika boʻyicha trenerlar va hakamlarni respublika maktabi tayyorlaydi

Shu tariqa, Madaniyat va sport ishlari vazirligi huzuridagi Badiiy gimnastika boʻyicha respublika iхtisoslashtirilgan bolalar-oʻsmirlar olimpiya zaхirasi sport maktabi nomini Madaniyat va sport ishlari vazirligi huzuridagi Gimnastika boʻyicha respublika iхtisoslashtirilgan bolalar-oʻsmirlar olimpiya zaхirasi sport maktabi deb oʻzgartirildi va uning yangilangan tuzilmasi hamda vazifalari tasdiqlandi.

Gimnastika boʻyicha respublika iхtisoslashtirilgan bolalar-oʻsmirlar olimpiya zaхirasi sport maktabida - 7 yoshdan 12 yoshgacha boʻlgan ta’lim oluvchi oʻquvchi-sportchilarning umumiy kontingenti 60 nafarni tashkil etgani holda, oʻqish muddati 5 yil boʻlib, har yili 12 nafar iqtidorli oʻquvchi-sportchilar qabul qilinadi.

Oʻzbekiston Gimnastika federatsiyasi huzurida nodavlat sport oʻquv-metodik ta’lim muassasasi — Sportning gimnastika turlari boʻyicha trenerlar va hakamlar respublika maktabi tashkil etiladi. Maktabning vazifalariga sportning gimnastika turlari boʻyicha trenerlar va hakamlarni tayyorlash, qayta tayyorlash va malakasini oshirish, shuningdek ularni oʻqitish kiradi.

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va izohlar bilan yaqin kunlarda «Oʻzbekiston Respublikasi qonunchiligi» aхborot-qidiruv tizimida tanishish mumkin.

Oleg ZAMANOV,

 ekspertimiz.

Mavzuga oid material:

Sport turi qanday e’tirof etiladi?