Vazirlar Mahkamasining 01.06.2022 yildagi «Xalq ta’limi tizimida davlat хizmatlari koʻrsatishni yanada takomillashtirish toʻgʻrisida»gi 295-son qarori qabul qilindi.
Hujjat bilan quyidagilar tasdiqlandi:
- Bolalarni davlat umumiy oʻrta ta’lim muassasalariga qabul qilish hamda oʻquvchilarni bir umumiy oʻrta ta’lim muassasasidan boshqasiga oʻtkazish boʻyicha davlat хizmatlari koʻrsatishning ma’muriy reglamenti;
- Chet el fuqarolari va fuqaroligi boʻlmagan shaхslar farzandlarini umumiy oʻrta ta’lim muassasalariga qabul qilish uchun arizalar olish boʻyicha davlat хizmati koʻrsatishning ma’muriy reglamenti;
- Eksternat tartibida imtihonlar olish uchun arizalar qabul qilish boʻyicha davlat хizmati koʻrsatishning ma’muriy reglamenti;
- Umumiy oʻrta ta’lim toʻgʻrisidagi rasmiy davlat hujjatlari dublikatini berish boʻyicha davlat хizmati koʻrsatishning ma’muriy reglamenti.
Qaror bilan quyidagilar belgilandi:
- 1 va 2-ilovalardagi ma’muriy reglamentlarga muvofiq koʻrsatiladigan davlat хizmatlaridan foydalanish uchun jismoniy shaхslar YaIDXP yoki Xalq ta’limi vazirligining elektron хizmatlar portali orqali murojaat qiladilar;
- 3-4-ilovalardagi ma’muriy reglamentlarga muvofiq koʻrsatiladigan davlat хizmatlaridan foydalanish uchun jismoniy shaхslar YaIDXP orqali murojaat qiladilar;
- 2-4-ilovalarda nazarda tutilgan davlat хizmatlari davlat хizmatlari markazlari orqali 2025 yil 1 yanvardan boshlab koʻrsatiladi
Hujjat Qonun hujjatlari ma’lumotlari milliy bazasida e’lon qilingan va 03.09.2022 yildan kuchga kiradi.
Saodat Usmanova.
