Prezidentning 29.12.2017 yildagi PQ-3454-son qarori bilan mol-mulkni ijaraga beruvchi jismoniy shaхslar uchun ijara toʻlovining eng kam stavkalari tasdiqlandi.
Eslatib oʻtamiz, mol-mulkni ijaraga berishdan olinadigan daromadlarga shartnoma boʻyicha oʻrnatilgan ijara toʻlovi summasidan kelib chiqqan holda soliq solinadi. Biroq ushbu summa belgilangan ijara toʻlovining eng kam stavkalari boʻyicha hisoblab chiqilgan miqdordan kam boʻlmasligi lozim.
Mol-mulkni ijaraga beruvchi jismoniy shaхslar uchun oylik ijara toʻlovining eng kam stavkalari 2017 yil bilan solishtirganda oʻzgarishsiz qoldirildi. 2018 yil uchun ular ijaraga beriladigan koʻchmas mulkning turi va uning joylashgan joyidan kelib chiqqan holda quyidagi miqdorda belgilandi:
|
Aholi punkti |
Binolar (umumiy maydonning 1 m2 uchun soʻmda) |
|
|
turar joy |
noturar joy |
|
|
Toshkent shahri |
4500 |
9000 |
|
Nukus shahri va viloyat boʻysunuvidagi shaharlar |
3000 |
6000 |
|
boshqa aholi punktlari |
1500 |
3000 |
Avtotransport vositasi uchun stavkalar quyidagicha (1 ta avtotransport vositasi uchun soʻmda):
- yengil avtomobil (yoʻlovchilar, bagaj tashishga moʻljallangan hamda haydovchi oʻrnini hisoblamaganda oʻrindiqlari 8 tadan koʻp boʻlmagan avtotransport vositalari) – 330 000;
- mikroavtobuslar, avtobuslar va yuk avtomobillari – 645 000.
Yuridik shaхslar uchun davlat koʻchmas mulkidan foydalanganlik uchun ijara toʻlovining eng kam stavkalari har yili viloyatlar va Toshkent shahar hokimliklari tomonidan tasdiqlanadi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Irina Aхmetova.
