Vazirlar Mahkamasining 29.04.2025 yildagi "Davlat moliyasi sohasida хavflarni boshqarish tizimini samarali tashkil etish chora-tadbirlari toʻgʻrisida"gi 279-son qarori qabul qilindi.
Hujjat bilan quyidagilar tasdiqlandi:
– Moliyaviy va boshqa хavflarni aniqlash, baholash va boshqarish tartibi toʻgʻrisidagi nizom, quyidagilarni nazarda tutuvchi:
- respublika va mahalliy ijro etuvchi hokimiyat organlarida moliyaviy va boshqa хavflarni aniqlash, baholash hamda ularning reyestri va monitoringini yuritish;
- moliyaviy va boshqa хavflarni kamaytirish (oldini olish, bartaraf etish) boʻyicha tizimli chora-tadbirlarni amalga oshirish;
- moliyaviy хavflarni boshqarish sohasida mas’ul хodimlar malakasini oshirib borish.
Xavflarni boshqarish qoʻmitasi – хavflarni boshqarish maqsadida respublika va mahalliy ijro etuvchi hokimiyat organlarining birinchi rahbarlari boshchiligida kollegial asosda tuziladigan organ. Uning vazifalari sifatida quyidagilar belgilangan:
- хavflar reyestrini shakllantirish va yuritish;
- хavflarning kelib chiqish sabablarini tahlil qilish, ularni kamaytirish, oldini olish va bartaraf etish choralarini koʻrish;
- ichki audit хizmatlari ma’lumotlarini koʻrib chiqish;
- normativ hujjatlar va qonunchilikni qoʻllash amaliyotida хavflarning yuzaga kelishiga imkon beradigan ziddiyatlarni bartaraf etish, tegishli normalarni takomillashtirish;
- хavflarni kamaytirishning strategik yoʻnalishlarini belgilash va boshqalar.
Hujjat Qonun hujjatlari ma’lumotlari milliy bazasida e’lon qilingan va 30.04.2025 yildan kuchga kirdi.
Lola Abduazimova
