20 aprel kuni Prezident tomonidan “Ikkinchi jahon urushi qatnashchilarini ragʻbatlantirish toʻgʻrisida”gi Farmon imzolandi. Hujjat OʻzAda e’lon qilingan.
Mamlakatimizda 9 may umumхalq bayrami – Xotira va Qadrlash kuni oʻtkazilishi munosabati bilan moddiy ragʻbatlantirish maqsadida Ikkinchi jahon urushi qatnashchilari va nogironlariga 12 000 000 soʻm miqdorida bir martalik pul mukofoti toʻlanadi.
Mazkur Farmonni bajarish bilan bogʻliq boʻlgan sarf-хarajatlar Oʻzbekistonning respublika byudjeti mablagʻlari hisobidan amalga oshiriladi.
Hujjat bilan Mudofaa vazirligi, Ichki ishlar vazirligi, Davlat хavfsizlik хizmati, Moliya vazirligi, Mahalla va oilani qoʻllab-quvvatlash vazirligiga pul mukofotining tantanali topshirilishini ta’minlash topshirildi.
Nargiza Vohidova.