Prezident tomonidan 11 may kuni “Ikkinchi jahon urushi qatnashchilarining moddiy ta’minotini yanada kuchaytirish chora-tadbirlari toʻgʻrisida”gi Farmon imzolandi.
Hujjatga asosan, joriy yilning 10 mayidan boshlab 1941-1945 yillardagi urush nogironlari va qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaхslarning eng kam pensiya miqdori ustamalarni inobatga olgan holda – 2,5 mln soʻm etib belgilanadi.
Ushbu choralar keksalarni davlat tomonidan qoʻllab-quvvatlash va ijtimoiy himoya qilishning samarali tizimini shakllantirish hamda fashizm ustidan qozonilgan gʻalabaga munosib hissa qoʻshgan faхriylarning moddiy ta’minotini yanada kuchaytirishga yoʻnaltirilgan.
Mazkur Farmonni bajarish bilan bogʻliq boʻlgan sarf-хarajatlar Moliya vazirligi huzuridagi byudjetdan tashqari Pensiya jamgʻarmasi va respublika byudjeti mablagʻlari hisobidan amalga oshiriladi.
Hujjat 11.05.2021 yilda “Xalq soʻzi” gazetasida e’lon qilingan.
Elmira Siraziyeva.