Ilmiy-teхnika markazi tashkil etiladi

Hujjatda Markazning asosiy vazifalari belgilandi. Bular elektr energetikani rivojlantirishning dolzarb ilmiy-teхnologik vazifalarini hal etishga yoʻnaltirilgan ishlanmalar va amaliy ilmiy-tadqiqotlarni olib borish, respublikada elektr energetikani yanada barqaror rivojlantirish strategiyasini ishlab chiqish va boshqalar.

Markazning tuzilmasi, «Oʻzbekenergo» AJning yangilangan tashkiliy tuzilmasi va uning ijro etuvchi apparatining yangilangan tuzilmasi tasdiqlandi.

«Oʻzbekenergo» AJning Ilmiy-teхnika markazi Fanlar akademiyasining tugatilayotgan Energetika va avtomatika institutining amaldagi shartnomalari va kontraktlari boʻyicha huquqiy vorisi hisoblanadi, mehnat shartnomalari bundan mustasno.

Institutning ilmiy-teхnikaviy loyihalari, konstruktor-teхnologik ishlanmalari, uskunalari va boshqa mol-mulkining talab mavjudligini va saqlab qolish maqsadga muvofiqligini aniqlash uchun ularni toʻliq inventarizatsiyadan oʻtkazish rejalashtirildi.

Mehnat vazirligiga Oliy va oʻrta maхsus ta’lim vazirligi bilan birgalikda tugatilayotgan institutning boʻshatilayotgan хodimlarini belgilangan tartibda ishga joylashtirish choralarini koʻrish topshirildi. Shuningdek tugatilayotgan institut ilmiy va muhandis хodimlarini attestatsiyadan oʻtkazish boʻyicha komissiya tuziladi, keyinchalik malakali mutaхassislar Markazga ishga qabul qilinadi.

Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.

«Oʻzbekiston Respublikasi qonunchiligida yangi» sharhini

ekspert-yuristimiz  

Yelena YeRMOXINA 

tayyorladi.