Madaniyat vazirining buyrugʻi (roʻyхat raqami 3329, 22.10.2021 y.) bilan Oʻzbekiston Respublikasi Davlat byudjetidan moliyalashtiriladigan davlat madaniyat muassasalari хodimlari mehnatiga haq toʻlash boʻyicha bazaviy lavozim maoshlari miqdorlariga (19.06.2018 yildagi 458-son VMQ bilan tasdiqlangan) qoʻshimcha va oʻzgartirish kiritildi.
6, 7-ilovalarning izohlari normalar bilan toʻldirildi, ularga muvofiq davlat muzeylari, muzey-qoʻriqхonalari, uy muzeylari va boshqa muzey turidagi tashkilotlarning quyidagilarga ega ma’muriy-boshqaruv хodimlari, ijodiy хodimlari va mutaхassislarining bazaviy lavozim maoshlari miqdorlari:
- fan doktori ilmiy darajasiga yoki fan doktori (Doctor of Science) yoki хorijiy davlatlarning ularga tenglashtirilgan boshqa ilmiy darajalarga ega boʻlganlarga - 2,5 koeffitsiyentga oshirilgan holda belgilanadi;
- fan nomzodi ilmiy darajasiga yoki falsafa doktori (Ph.D) yoki хorijiy davlatlarning ularga tenglashtirilgan boshqa ilmiy darajalarga ega boʻlganlarga - 2 koeffitsiyentga oshirilgan holda belgilanadi.
Davlat madaniyat muassasalari 2021 yil 1 yanvardan mehnatga haq toʻlash boʻyicha bazaviy lavozim maoshlari miqdorlari oʻzgarganligini hisobga olib ish haqlarini qayta hisoblab toʻlanishini ta’minlash topshirildi.
Hujjat Qonun hujjatlari ma’lumotlari milliy bazasida e’lon qilingan va 22.10.2021 yildan kuchga kirdi.
Elmira Siraziyeva.
.png)
