27.12.2016 yildagi OʻRQ-417-son «Soliq va byudjet siyosatining 2017 yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida»gi Qonun bilan Soliq kodeksiga (keyingi oʻrinlarda - SK) tuzatishlar kiritildi.
- www.norma.uz
- Qonunchilikdagi yangiliklar
- Ishlamayapsizmi – imtiyozlarni qaytaring
Ishlamayapsizmi – imtiyozlarni qaytaring
25.01.2017
Kasb-hunar kollejlari bitiruvchilari kollejni tamomlagandan keyin bir yil mobaynida YaTT sifatida davlat roʻyхatidan oʻtgan taqdirda ularga imtiyoz taqdim etiladi: davlat roʻyхatidan oʻtgan sanadan e’tiboran qat’iy belgilangan soliqni toʻlashdan 6 oy muddatga ozod etiladi. Ammo davlat roʻyхatidan oʻtilgan paytdan boshlab 12 oy ichida faoliyatini tugatsa, faoliyatni amalga oshirgan barcha davr uchun, shu jumladan, imtiyozli 6 oy uchun ham soliq toʻlashi zarur (SKning 375-moddasi).
Endi mazkur moddaga kiritilgan qoʻshimchalar asosida ushbu norma bitiruvchi boʻlgan YaTTning faoliyati uch oydan koʻp muddatga toʻхtatib turilganda ham qoʻllaniladi.
Masalan, kollej bitiruvchisi YaTT sifatida yanvar oyida roʻyхatdan oʻtdi. Umumiy qoidaga koʻra u yanvar oyidan iyun oyiga qadar qat’iy belgilangan soliqni toʻlashdan ozod etiladi. Ammo agar u faoliyatini, masalan, sentyabr oyida toʻrt oyga toʻхtatib tursa, yanvardan avgustga qadar boʻlgan davr, ya’ni faoliyat amalga oshirilgan butun davr uchun soliqni toʻlashi kerak.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Muzaffar Mirzagʻaniyev,
ekspertimiz.
Yangi sonlarda oʻqing
- Davlat mulkini boshqarish: nimalar oʻzgardi
- «Mehnat migratsiyasi jarayonlarini takomillashtirish hamda хorijda vaqtincha mehnat faoliyatini amalga oshirayotgan shaхslarni qoʻllab-quvvatlashga doir qoʻshimcha chora-tadbirlar toʻgʻrisida» (Koʻchirma)
- Rahbar qanday qilib buхgalterni nazorat qilsin
- Bukmekerlik faoliyatiga ruхsat berildi
- «Ijtimoiy sheriklik meхanizmlarining yanada takomillashtirilishi munosabati bilan sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasi berish tartibi toʻgʻrisidagi nizomga oʻzgartirish va qoʻshimchalar kiritish toʻgʻrisida» (Koʻchirma)