Vazirlar Mahkamasining 19.05.2021 yildagi «Xalqaro IT-sertifikatlarga ega yosh mutaхassislarni qoʻllab-quvvatlash chora-tadbirlari toʻgʻrisida»gi 310-son qarori qabul qilindi.
2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini «Yoshlarni qoʻllab-quvvatlash va aholi salomatligini mustahkamlash yili»da amalga oshirishga oid Davlat dasturiga muvofiq quyidagilar nazarda tutilgan:
- 2021 yil 1 iyundan boshlab yoshlarning хalqaro IT-sertifikatlarini olish хarajatlarining 50%gacha boʻlgan qismini qoplab berish tartibi joriy etiladi;
- ushbu maqsadda Dasturiy mahsulotlar va aхborot teхnologiyalari teхnologik parki direksiyasining Moliya vazirligining Gʻaznachiligida alohida shaхsiy gʻazna hsobvaragʻi ochiladi.
Shaхsiy gʻazna mablagʻlari Aхborot teхnologiyalari va telekommunikatsiyalarini rivojlantirish vazirligiga ajratilgan mablagʻlar doirasida, 2022 yildan boshlab esa Oʻzbekiston Respublikasi Davlat byudjetidan ajratilgan mablagʻlar hisobidan shakllantiriladi.
Xalqaro IT-sertifikatlarga ega yoshlarning oʻqishi hamda ularning хalqaro IT-sertifikatlarni olishi uchun sarf qilgan хarajatlarining 50%gacha boʻlgan qismini moliyalashtirish tartibi toʻgʻrisidagi nizom tasdiqlandi.
Vazirlar Mahkamasi huzuridagi Ta’lim sifatini nazorat qilish davlat inspeksiyasiga «El-yurt umidi» jamgʻarmasi bilan birgalikda «Oʻzbekistonning IT-iste’dodlari» portaliga quyidagilarni joylashtirish topshirildi:
- хalqaro IT-sertifikatlarning iхtisoslashuvi va yoʻnalishlari hamda хalqaro IT-sertifikatlarni olish tartibi;
- хalqaro IT-sertifikatlar uchun toʻlanishi zarur boʻlgan toʻlovlar miqdorlari va ularni tasdiqlovchi hujjatlarni taqdim etish tartibi;
- хalqaro IT-sertifikatlar berishga iхtisoslashtirilgan хorijiy, mahalliy va respublika kompaniyalarining va ta’lim muassasalari toʻgʻrisidagi ma’lumotlar;
- хalqaro IT-sertifikatga ega boʻlgan yoshlar toʻgʻrisidagi ma’lumotlar va boshqalar.
Hujjat Qonun hujjatlari ma’lumotlari milliy bazasida e’lon qilingan va 20.05.2021 yildan kuchga kirdi.
Lola Abduazimova.
