3.01.2018 yildagi “Ayrim davlat organlari faoliyati takomillashtirilishi, shuningdek fuqarolarning huquqlari va erkinliklarini himoya qilish kafolatlarini ta’minlashga doir qoʻshimcha chora-tadbirlar qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonun bilan Jinoyat-protsessual kodeksining 531-moddasiga tuzatishlar kiritildi.
Hukmning jarima solishga va boshqa mulkiy undirishlarga taalluqli qismini ijro etish uchun ijro varaqalari yoki ularning dublikatlari mahkumning yashash joyidagi yoхud jazoni oʻtash joyidagi, shuningdek mahkumning mol-mulki turgan joydagi davlat ijrochilariga yuboriladi.
Mazkur norma aniqlashtirildi.
Birinchidan, belgilanishicha, ijro varaqasiga (uning dublikatiga) sud qarorining nusхasi ilova qilinishi kerak.
Ikkinchidan, hujjatlarni yuborish muddati belgilandi - sudning qarori qonuniy kuchga kirgan yoki ish apellyatsiya instansiyasi sudidan qaytarilgan kundan e’tiboran 3 kundan kechiktirmay.
Uchinchidan, koʻrsatilishicha, hujjatlar birinchi instansiya sudi tomonidan yuboriladi.
Qonun “Xalq soʻzi” gazetasida e’lon qilingan va 5.01.2018 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov.
