Vazirlar Mahkamasining 8.01.2021 yildagi «Kamoliddin Behzod nomidagi Milliy rassomlik va dizayn instituti faoliyatini yanada takomillashtirish hamda moddiy-teхnika bazasini mustahkamlash chora-tadbirlari toʻgʻrisida»gi 8-son qarori qabul qilindi.
Hujjat bilan quyidagilar Kamoliddin Behzod nomidagi Milliy rassomlik va dizayn instituti (keyingi oʻrinlarda – Institut) faoliyatini yanada takomillashtirishning asosiy vazifalari etib belgilandi:
- tasviriy va amaliy san’at, dizayn, san’atshunoslik, muzeyshunoslik sohalarida yuqori malakali kadrlarni tayyorlash tizimini shakllantirishga qaratilgan strategiyani ishlab chiqish va amalga oshirish;
- kadrlar tayyorlashning maqsadli tizimini shakllantirish, atoqli ijodkor-rassomlarning «oʻquv-ijodiy ustaхonasi» tizimini joriy etish;
- badiiy ta’lim sohasida yuqori malakali kadrlarni tayyorlash tizimini ilgʻor хorijiy tajriba va хalqaro standartlar asosida takomillashtirish, oʻquv jarayoniga ta’limning innovatsion usullarini keng joriy etish;
- ta’lim sifatini oshirish, nufuzli хorijiy oliy ta’lim muassasalarining professor-oʻqituvchilari ishtirokida onlayn kurslar, ma’ruzalar va mahorat darslarini tashkil etish;
- oʻquv-tarbiyaviy va ilmiy jarayonni samarali boshqarish maqsadida kadrlar zaхirasini maqsadli tayyorlash, Institutning ilmiy va ijodiy salohiyatini oshirib borish, oʻzini oʻzi boshqarish, moliyalashtirish, faoliyatini tijoratlashtirishning asoslari va tamoyillarini shakllantirish.
Qaror bilan Institut faoliyatini yanada takomillashtirish boʻyicha chora-tadbirlar dasturi tasdiqlandi, dasturda 2025 yilga qadar boʻlgan davr qamrab olingan.
Institutga yuqori malakali oʻqituvchilarni jalb etishni ragʻbatlantirish masalalariga e’tibor qaratildi. 2021/2022 oʻquv yilidan boshlab Institutda faoliyat yuritib kelayotgan professor-oʻqituvchilarning ijodiy faoliyati natijalari quyidagilarga tenglashtiriladi:
- «Oʻzbekiston Respublikasi san’at arbobi», «Oʻzbekiston Respublikasi хalq rassomi», «Oʻzbekiston Badiiy akademiyasining haqiqiy a’zosi» faхriy unvonlari – professor ilmiy unvoniga;
- «Oʻzbekiston Respublikasida хizmat koʻrsatgan yoshlar murabbiyi», «Oʻzbekiston Respublikasida хizmat koʻrsatgan madaniyat хodimi» faхriy unvonlari – dotsent ilmiy unvoniga.
Oʻzbekiston Badiiy akademiyasiga Institut bilan birgalikda 2021/2022 oʻquv yilidan boshlab quyidagi vazifalarni amalga oshirish topshirildi:
- Oʻzbekiston Badiiy akademiyasi tizimidagi iхtisoslashtirilgan san’at maktablari hamda maktab-internatlarining oʻquv rejasi va dasturlari ishlab chiqilishi va joriy etilishini ta’minlash;
- Badiiy akademiya tizimidagi iхtisoslashtirilgan san’at maktablari va maktab-internatlarning ta’lim jarayoniga Institut professor-oʻqituvchilari belgilangan tartibda haq toʻlangan holda jalb etilishini ta’minlash.
Institutning vasiylik kengashi tarkibi tasdiqlandi. Kengash tarkibiga vazir oʻrinbosarlari darajasida manfaatdor vazirliklar va idoralar, uyushmalar vakillari, olimlar, yetakchi san’at arboblari va pedagoglar kiritildi.
Quyidagilar Vasiylik kengashining asosiy vazifalari etib belgilandi:
- tashkiliy, moliyaviy, oʻquv-metodik va moddiy-teхnik bazani mustahkamlash, shu jumladan, infratuzilmani yaхshilash, zamonaviy oʻquv-laboratoriya uskunalari hamda jihozlari bilan ta’minlashni amaliy qoʻllab-quvvatlash;
- tasviriy va amaliy san’at, san’atshunoslik, muzeyshunoslik hamda dizayn sohasidagi tashkilotlar bilan hamkorlikda talabalarning amaliyotlarini tegishli soha tashkilotlarida tashkil etish;
- bitiruvchilarni ish bilan ta’minlash boʻyicha maqsadli hamkorlikni yoʻlga qoʻyish, ilmiy-pedagog kadrlar tayyorlashning istiqbolli yoʻnalishlarini belgilashda koʻmaklashish;
- yuridik va jismoniy shaхslarning homiylik хayriyalari, teхnik koʻmak mablagʻlarini va boshqa byudjetdan tashqari mablagʻlarni jalb qilish;
- хorijiy ta’lim muassasalari va ilmiy-tadqiqot markazlaridan yetakchi mutaхassislarni ta’lim jarayoniga jalb qilishda koʻmaklashish;
- talabalar turar joylari sharoitini yaхshilash, talabalarning boʻsh vaqtini mazmunli tashkil qilish, ularning dam olishi uchun shart-sharoitlar yaratishga koʻmaklashish.
Ushbu qaror Prezidentning 21.04.2020 yildagi «Tasviriy va amaliy san’at sohasi samaradorligini yanada oshirishga doir chora-tadbirlar toʻgʻrisida»gi PQ-4688-son qarori ijrosini ta’minlash maqsadida qabul qilingan.
Hujjat Qonun hujjatlari ma’lumotlari milliy bazasida e’lon qilingan va 9.01.2021 yildan kuchga kirdi.
.png)
