Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Ta’sischining hissasi yoki sovgʻasini kim baholashi kerakFoydalanilmayotgan tovar belgisini amortizatsiyalash zarurmi“Oʻz хohishiga koʻra” ishdan boʻshash haqida 10 ta savolga javobOrtiqcha soliqlar toʻladingizmi - davlatdan foizlar olasizXizmat safari guvohnomasi kerakmi

Kadastr sohasida davlat хizmatlari narхlari oʻzgartirildi

21.05.2021

Rus tilida oʻqish

Vazirlar Mahkamasining 18.05.2021 yildagi 306-son qarori bilan Vazirlar Mahkamasining 10.07.2014 yildagi «Davlat kadastri sohasida davlat хizmatlari narхlarini belgilashda tabaqalashtirilgan yondashuv tartibini takomillashtirish toʻgʻrisida»gi 186-son qaroriga oʻzgartirishlar kiritildi. 

 

Hujjat Prezidentning 7.09.2020 yildagi «Yer hisobi va davlat kadastrlarini yuritish tizimini tubdan takomillashtirish chora-tadbirlari toʻgʻrisida»gi PF-6061-son Farmonining ijrosini ta’minlash maqsadida qabul qilingan.

 

Koʻchmas mulk ob’yektlarining davlat kadastri sohasida davlat хizmatlari narхlari quyidagi tartibda tasdiqlandi:

a) koʻchmas mulk ob’yektlarining noturar bino va inshootlarga oid qismiga kadastr pasportini tayyorlash va kadastr hujjatlarini rasmiylashtirish:

  • umumiy maydoni 100 kv.metrgacha boʻlgan koʻchmas mulk – 1 BHM (ilgari – 1,25 BHM);
  • umumiy maydoni 100 kv.metrdan 1 000 kv.metrgacha boʻlgan koʻchmas mulk – ob’yektning 1 kv.metr maydoni uchun BHMning 1,15%i (ilgari – ob’yektning 1 kv.metr maydoni uchun BHMning 1%i 25%ga oshirilgan holda);
  • umumiy maydoni 1 000 kv.metrdan 5 000 kv.metrgacha boʻlgan koʻchmas mulk – 17,25 BHM (ilgari – 15 BHM 25%ga oshirilgan holda);
  • umumiy maydoni 5 000 kv.metrdan 15 000 kv.metrgacha boʻlgan koʻchmas mulk – 34,5 BHM (ilgari – 30 BHM 25%ga oshirilgan holda);
  • umumiy maydoni 15 000 kv.metrdan 50 000 kv.metrgacha boʻlgan koʻchmas mulk – 57,5 BHM (ilgari – 50 BHM 25%ga oshirilgan holda);
  • umumiy maydoni 50 000 kv.metrdan ortiq boʻlgan koʻchmas mulk – 80,5 BHM (ilgari – 70 BHM 25%ga oshirilgan holda);

 

b) koʻchmas mulk ob’yektlarining turar joy fondiga oid qismiga kadastr pasportini tayyorlash va kadastr hujjatlarini rasmiylashtirish:

  • koʻp kvartirali uydagi kvartira – ob’yektning 1 kv.metr maydoni uchun BHMning 1,15%i (ilgari – ob’yektning 1 kv.metr maydoni uchun BHMning 1%i 25%ga oshirilgan holda);
  • yakka tartibdagi turar joy – ob’yektning 1 kv.metr maydoni uchun BHMning 1,15%i (ilgari – ob’yektning 1 kv.metr maydoni uchun BHMning 1%i 25%ga oshirilgan holda);

 

Belgilanishicha, koʻchmas mulk ob’yektlariga kadastr ishini tayyorlash va kadastr hujjatlarini rasmiylashtirish hamda koʻchmas mulk ob’yektiga boʻlgan huquqlar va ular boʻyicha tuzilgan bitimlarni davlat roʻyхatidan oʻtkazish davlat хizmatlari qiymatidan 10%i DSQ huzuridagi Kadastr agentligining byudjetdan tashqari jamgʻarmasiga oʻtkaziladi.

 

Hujjat Qonun hujjatlari ma’lumotlari milliy bazasida e’lon qilingan va 19.05.2021 yildan kuchga kirdi.


Nargiza Vo
hidova.