Vazirlar Mahkamasining 23.05.2020 yildagi “Qoraqalpogʻiston Respublikasi, viloyatlar, Toshkent shahar hamda tuman va shaharlarda nuroniylar jamoatchilik kengashlarini tashkil etish chora-tadbirlari toʻgʻrisida” 326-son qarori qabul qilindi.
Prezidentning “Jamiyatda ijtimoiy-ma’naviy muhitni sogʻlomlashtirish, mahalla institutini yanada qoʻllab-quvvatlash hamda oila va хotin-qizlar bilan ishlash tizimini yangi darajaga olib chiqish chora-tadbirlari toʻgʻrisida” 2020 yil 18 fevraldagi PF-5938-son Farmonida qoʻyilgan vazifalarni amalga oshirish uchun:
- Qoraqalpogʻiston Respublikasi, viloyatlar, Toshkent shahar hamda tuman va shaharlarda Nuroniylar jamoatchilik kengashlari tashkil etiladi. Keksalarni qoʻllab-quvvatlash sohasiga oid qonun hujjatlarining ijrosini ta’minlashga koʻmaklashish, muammolarni monitoring va tahlil qilish, yolgʻiz keksalar, pensionerlar, nogironlar va boshqalarga taalluqli muammolar boʻyicha takliflar ishlab chiqish ularning asosiy vazifalari hisoblanadi;
- Mahalla va oilani qoʻllab-quvvatlash vazirligining hududiy boʻlinmalari rahbarlari oʻrinbosarlari Nuroniylar jamoatchilik kengashlari raislari tomonidan tayinlanadi;
- Nuroniylar jamoatchilik kengashlari toʻgʻrisidagi namunaviy nizom tasdiqlandi.
Hujjat Qonun hujjatlari ma’lumotlari milliy bazasida e’lon qilingan va 25.05.2020 yildan kuchga kirdi.
Lola Abduazimova.
