Vazirlar Mahkamasining 22.08.2023 yildagi “Koʻchmas mulkka boʻlgan huquqlarni davlat roʻyхatidan oʻtkazuvchilarning malakasini oshirish va ularni attestatsiyadan oʻtkazish tartibi toʻgʻrisidagi nizomni tasdiqlash haqida”gi 409-son qaror qabul qilindi.
Nizomga koʻra:
- roʻyхatdan oʻtkazuvchilarning malakasi Toshkent geodeziya va kartografiya kolleji Kadrlarni qayta tayyorlash va ularning malakasini oshirish markazida oshiriladi;
- malaka oshirish kamida 3 yilda bir marotaba amalga oshiriladi;
- malaka oshirish natijalari boʻyicha test oʻtkaziladi. 56 va undan yuqori ball toʻplagan roʻyхatdan oʻtkazuvchilarga tegishli sertifikat beriladi;
- tegishli ball yigʻolmagan roʻyхatdan oʻtkazuvchilar koʻchmas mulkni davlat roʻyхatidan oʻtkazishdan vaqtinchalik chetlatiladi (qayta malaka oshirish va muvaffaqiyatli test topshirgunga qadar);
- takroran muvaffaqiyatsiz test topshirgan roʻyхatdan oʻtkazuvchilar bir oy ichida boshqa ishga oʻtkaziladi.
Hujjat Qonun hujjatlari ma’lumotlari milliy bazasida e’lon qilingan va 23.08.2023 yildan kuchga kirdi.
Sobir Nurberdiyev
