Вазирлар Маҳкамасининг 22.08.2023 йилдаги “Кўчмас мулкка бўлган ҳуқуқларни давлат рўйхатидан ўтказувчиларнинг малакасини ошириш ва уларни аттестациядан ўтказиш тартиби тўғрисидаги низомни тасдиқлаш ҳақида”ги 409-сон қарор қабул қилинди.
Низомга кўра:
- рўйхатдан ўтказувчиларнинг малакаси Тошкент геодезия ва картография коллежи Кадрларни қайта тайёрлаш ва уларнинг малакасини ошириш марказида оширилади;
- малака ошириш камида 3 йилда бир маротаба амалга оширилади;
- малака ошириш натижалари бўйича тест ўтказилади. 56 ва ундан юқори балл тўплаган рўйхатдан ўтказувчиларга тегишли сертификат берилади;
- тегишли балл йиғолмаган рўйхатдан ўтказувчилар кўчмас мулкни давлат рўйхатидан ўтказишдан вақтинчалик четлатилади (қайта малака ошириш ва муваффақиятли тест топширгунга қадар);
- такроран муваффақиятсиз тест топширган рўйхатдан ўтказувчилар бир ой ичида бошқа ишга ўтказилади.
Ҳужжат Қонун ҳужжатлари маълумотлари миллий базасида эълон қилинган ва 23.08.2023 йилдан кучга кирди.
Собир Нурбердиев
