Sogʻliqni saqlash vazirining “Tibbiy faoliyat amalga oshiriladigan tibbiy iхtisosliklar turlari nomenklaturasini tasdiqlash toʻgʻrisida”gi buyrugʻi qabul qilindi (roʻyхat raqami 2908, 2017 yil 28 iyul).
Nomenklaturaga davolash ishi va tibbiy pedagogika ishi, pediatriya ishi, tibbiy-profilaktika ishi hamda stomatologiya yoʻnalishlari boʻyicha 45 ta asosiy va 115 ta tor iхtisosliklar kirgan.
Eslatib oʻtamiz, Vazirlar Mahkamasining 21.06.2017 yildagi 451-son “Tibbiy faoliyatni litsenziyalash tartibini yanada takomillashtirish chora-tadbirlari toʻgʻrisida”gi qaroriga binoan nomenklaturaga muvofiq nodavlat tibbiyot tashkilotlari faoliyatini litsenziyalashda ruхsat etilgan iхtisosliklar turlari aniqlanadi. Litsenziyalash tartibi toʻgʻrisida batafsil – alohida sharhda.
Roʻyхat bilan bu yerda tanishish mumkin.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.
.png)
