Oliy Majlis Senati Kengashi 06.07.2026 yildagi "Umumta’lim maktablarida oʻqitiladigan "Kelajak soati" mashgʻulotlari oʻquv dasturini takomillashtirishda davlat organlari va tashkilotlarining ishtirokini ta’minlash chora-tadbirlari toʻgʻrisida"gi KQ-368-V-son qarorni qabul qildi.
Maqsad – umumta’lim maktablarida oʻqitiladigan "Kelajak soati" darslari mazmunini boyitish, oʻquvchilarda huquqiy, ma’naviy, moliyaviy, ekologik va raqamli madaniyatni shakllantirish.
Oʻquv dasturini takomillashtirish jarayoniga davlat organlari va tashkilotlari jalb etiladi. Hujjat bilan oʻquv dasturini takomillashtirish boʻyicha amaliy chora-tadbirlar rejasi hamda mazkur ishlarni muvofiqlashtirish boʻyicha ishchi guruh tarkibi tasdiqlandi.
"Kelajak soati" oʻquv dasturini takomillashtirish quyidagi yoʻnalishlarda amalga oshiriladi:
• kasbga yoʻnaltirish;
• huquqiy, moliyaviy va raqamli savodхonlikni oshirish;
• sogʻlom turmush tarzi, ekologik madaniyat va fuqarolik mas’uliyatini rivojlantirish;
• ma’naviy-aхloqiy tarbiyani mustahkamlash va boshqalar.
Hujjat Qonun hujjatlari ma’lumotlari milliy bazasida e’lon qilingan va 06.07.2026 yildan kuchga kirdi.
Lola Abduazimova
