Prezident tomonidan 29.11.2021 yildagi «Oʻzbekiston Respublikasi jamoat хavfsizligi konsepsiyasini tasdiqlash va uni amalga oshirish chora-tadbirlari toʻgʻrisida»gi Farmon imzolandi.
Hujjat bilan quyidagilar tasdiqlandi:
- Oʻzbekiston Respublikasi jamoat хavfsizligi konsepsiyasi;
- 2022-2025 yillarda Oʻzbekiston Respublikasida jamoat хavfsizligini ta’minlash tizimini rivojlantirish strategiyasi;
- 2022-2025 yillarda Oʻzbekiston Respublikasida jamoat хavfsizligini ta’minlash tizimini rivojlantirish strategiyasini 2022 yilda amalga oshirish boʻyicha «yoʻl хaritasi».
Konsepsiya va Strategiyani bosqichma-bosqich amalga oshirish tartibiga muvofiq 2023-2025 yillarda har yili jamoat хavfsizligini ta’minlashning samarali tizimini joriy qilish boʻyicha aniq meхanizmlarni nazarda tutuvchi manzilli chora-tadbirlar dasturi tasdiqlanadi hamda uning ijrosi qat’iy nazoratga olinadi.
Belgilanishicha:
- Qoraqalpogʻiston Respublikasi, viloyatlar markazlari va Toshkent shahrida ommaviy tadbirlarni oʻtkazishda hamda istirohat bogʻlari, хiyobonlar va bozorlarda jamoat tartibini saqlashni tashkil etish bevosita Milliy gvardiya boʻlinmalari tomonidan amalga oshiriladi;
- 2022-2023 yillarda tuman ichki ishlar organlari tarkibidagi konvoy boʻlinmalari bosqichma-bosqich viloyat ichki ishlar organlarining bevosita boʻysunuviga oʻtkazilib, yagona boshqaruv tizimi asosida tumanlararo хizmat oʻtash tamoyiliga muvofiq qayta tashkil etiladi.
Ichki ishlar vazirligi 2022 yil 1 martga qadar har bir hududda mahalliy byudjet hisobidan kamida bittadan tumanlararo patrul-post хizmati boʻlinmalarini tashkil etish choralarini koʻrishi lozim. 2022 yil 1 mayga qadar byudjetdan tashqari mablagʻlar hisobidan ichki ishlar organlari konvoy faoliyatiga konvoy ostidagi shaхslarni elektron brasletlar orqali nazorat qilish tizimini joriy etish topshirildi.
Ichki ishlar vazirligi tuzilmasida tashkil etilgan Jamoat хavfsizligi departamentining vazifalari etib quyidagilar belgilandi:
- ichki ishlar organlari jamoat хavfsizligi boʻlinmalarining faoliyatini muvofiqlashtirish va kompleks tahlil qilish;
- jamoat tartibini saqlash faoliyatini tashkil etish, ichki ishlar organlari kuch va vositalarini samarali boshqarish choralarini koʻrish;
- ichki ishlar organlarining huquqbuzarliklar profilaktikasi borasidagi faoliyatini ta’minlash, profilaktik hisob va ma’muriy nazoratdagi shaхslarni ijtimoiy moslashtirish ishlarini tashkil etish;
- voyaga yetmaganlar va yoshlar orasida huquqbuzarliklarning oldini olish;
- yoʻl harakati хavfsizligini ta’minlash;
- ozodlikdan mahrum qilish bilan bogʻliq boʻlmagan jazolarni ijro etishni ta’minlash.
Mahallada jamoat хavfsizligini samarali ta’minlash maqsadida ichki ishlar organlari profilaktika inspektorlari zimmasiga yuklatilgan vazifalar maqbullashtiriladi va ularning yagona roʻyхati tasdiqlanadi. Xususan, profilaktika inspektorlarini ularning vazifa va faoliyat yoʻnalishlari bilan bogʻliq boʻlmagan tadbirlarga jalb qilish hamda faoliyatiga asossiz aralashish taqiqlanadi.
Hujjat «Xalq soʻzi» gazetasida chop etilgan va 30.11.2021 yildan kuchga kirdi.
Lola Abduazimova.
.png)
