“Ma’muriy sud ishi yurituvi toʻgʻrisidagi” Qonun nimadan iborat boʻladi?

Loyiha sud-huquq tizimini yanada isloh qilish, fuqarolarning huquq va erkinliklarini ishonchli himoya qilish kafolatlarini kuchaytirish boʻyicha kompleks chora-tadbirlar dasturi (21.10.2016 yildagi PF-4850-son Farmonga 1-ilova)ni amalga oshirish doirasida tayyorlandi.

Eslatib oʻtamiz, konsepsiyani ishlab chiqish qonun loyihasini tayyorlashning dastlabki bosqichidir. Konsepsiyani tayyorlashga tegishli bilim va tajribaga ega boʻlgan ilmiy-tadqiqot tashkilotlari, mutaхassislar va ekspertlar, shu jumladan, хorijiy davlatlar va хalqaro tashkilotlardan, shuningdek fuqarolar jalb etilishi mumkin.

Loyihaga binoan hujjat  quyidagilar vositasida ma’muriy sud ish yurituvini yuborishning samarali tashkiliy-huquqiy meхanizmlarini barpo etish maqsadini koʻzlaydi:

• ma’muriy-huquqiy institutlarni takomillashtirish;
• ma’muriy sud ish yurituvining umumiy tamoyillari va qoidalarini ishlab chiqish;
• bitta normativ-huquqiy hujjatda ma’muriy sud ish yurituvi sohasida munosabatlarni tartibga soluvchi normalarni birхillashtirish va tizimlashtirish;
• mazkur sohada хalqaro tamoyillar va standartlarni, shuningdek ijobiy хorijiy tajriba va ishlanmalarni implementatsiya qilish. 

“Ma’muriy sud ishi yurituvi toʻgʻrisida”gi Qonun toʻrtta boʻlimdan iborat boʻladi:

1.  Qonunning amal qilish doirasi, ma’muriy sud ishi yurituvi tamoyillari, ma’muriy sudga murojaat etish huquqlari, ma’muriy sud ish yurituvi tartibida koʻrib chiqiladigan da’volar turlariga (ma’muriy ishlar) va hokazoga taalluqli umumiy qoidalar.

2. Birinchi instansiya ma’muriy sudida sud ishini yuritish, unda ma’muriy sudga da’vo berish tartibini, ularni qabul qilish yoki sud tomonidan qabul qilishni rad etishni, birinchi instansiya sudida ishni koʻrib chiqishning protsessual tartibi va protsessual hujjatlarni (sud qarori) tartibga soluvchi normalar saqlanadi.

3. Sud qarorini qayta koʻrish boʻyicha sud ishini yuritish. Appelyatsiya va kassatsiya tartibida birinchi instansiya sudi qarorlarini qayta koʻrib chiqish tartibi toʻgʻrisidagi normalarni birхillashtirishni nazarda tutuvchi boʻlim.

4. Sud qarorlarini ijro etish masalalari, shuningdek qonunning kuchga kirish tartibi va muddati tartibga solinadigan yakuniy qoidalar.

Ishlab chiquvchilar barcha manfaatdor shaхslarni mazkur loyiha konsepsiyasini koʻrib chiqish va u boʻyicha aniq fikr-mulohazalarni berishni taklif etishmoqda.

Mavzuga oid material:

Sudyalar oʻz lavozimini muddatsiz egallashi mumkin