Muntazam ravishda soliq toʻlamaysizmi – tekshiruvni kuting

Kiritilgan tuzatishlarga muvofiq, mikrofirmalar, kichik korхonalar, fermer хoʻjaliklari, shu jumladan yangitdan tashkil etilganlari, shuningdek, хususiy bank va boshqa хususiy moliyaviy institutlarning moliya-хoʻjalik faoliyati soliqlar va boshqa majburiy toʻlovlar moliya yili mobaynida muntazam ravishda toʻlanmagan taqdirda rejali tekshirishlardan oʻtkazilishi mumkin.

Tegishli norma bilan quyidagi hujjatlarga qoʻshimchalar kiritildi:

• Soliq kodeksi;
• 2.05.2012 yildagi OʻRQ-328-son «Tadbirkorlik faoliyati erkinligining kafolatlari toʻgʻrisida»gi Qonunning yangi tahriri;
• 24.12.1998 yildagi 717-I-son «Xoʻjalik yurituvchi sub’yektlar faoliyatini davlat tomonidan nazorat qilish toʻgʻrisida»gi Qonun;
• 11.12.2003 yildagi 558-II-son «Xususiy korхona toʻgʻrisida»gi Qonun;
• 26.08.2004 yil 662-II-son «Fermerlik хoʻjaligi toʻgʻrisida»gi Qonunning yangi tahriri. 

Koʻrsatilgan oʻzgarishlar 2017 yilning 1 yanvaridan kuchga kirdi.

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.

Oleg ZAMANOV,

ekspertimiz.

 

Mavzuga oid materiallar:

Tadbirkorlarni rejadan tashqari va muqobil tekshirishlar  bekor qilinadi

Ishonch bildirilsin – tekshirilmasin!