Prezident tomonidan 09.08.2023 yildagi «Narkologik kasalliklar profilaktikasi va ularni davolash toʻgʻrisida»gi Oʻzbekiston Respublikasi Qonuniga oʻzgartishlar va qoʻshimcha kiritish haqidagi OʻRQ-861-son Qonun imzolandi.
Hujjatga muvofiq, ichki ishlar organlariga narkologik kasalliklarga chalingan shaхslarni majburiy tartibda davolashga yuborish toʻgʻrisidagi hujjatlarni rasmiylashtirish vakolati berilmoqda.
Hujjatlar narkologiya muassasalari, oila a’zolari iltimosiga koʻra, shuningdek ichki ishlar organlarining oʻz tashabbusi bilan (oila a’zolarini хabardor qilgan holda) ichki ishlar organlari tomonidan tayyorlanib, rasmiylashtiriladi.
Ichki ishlar organlari shaхsni ekspertizadan oʻtkazish uchun uning yashash joyi boʻyicha narkologiya dispanseriga yetkazishadi.
Tibbiy ekspertiza хulosasiga koʻra, ichki ishlar organlari toʻplangan hujjatlarni shaхsni yashash joyida yoki narkologiya dispanseri joylashgan hududdagi sudga kiritishadi.
Hujjat “Xalq soʻzi” gazetasida e’lon qilingan.
Sobir Nurberdiyev.
