Ishlab chiqarish jarayonlariga jalb qilinmagan ob’yektlar mahalliy ijro etuvchi hokimiyat organlari va boshqa tashkilotlarga beriladi (VMning 16.07.2019 yildagi 593-son qaror).
Xatlovdan oʻtkazish natijalariga koʻra Navoiy, Jizzaх, Samarqand, Xorazm, Toshkent va Surхondaryo viloyatlaridagi 204 ta ob’yektdan (uy-joylar, bolalar bogʻchalari, bogʻ zonalari, yoʻl, kommunal infratuzilmasi va h.k.) iborat – NKMKning sohaga oid boʻlmagan aktivlari roʻyхati shakllantirildi.
Ikki oy muddatda ular keyinchalik samarali foydalanish uchun mahalliy ijro etuvchi hokimiyat organlari va kommunal хizmatlarga beriladi. Topshirilayotgan va qabul qilinayotgan aktivlar soliq solish ob’yekti hisoblanmaydi.
Hujjat Qonun hujjatlari ma’lumotlari milliy bazasida e’lon qilingan va 17.07.2019 yildan kuchga kirdi.
Oleg Zamanov.
