Ишлаб чиқариш жараёнларига жалб қилинмаган объектлар маҳаллий ижро этувчи ҳокимият органлари ва бошқа ташкилотларга берилади (ВМнинг 16.07.2019 йилдаги 593-сон қарор).
Хатловдан ўтказиш натижаларига кўра Навоий, Жиззах, Самарқанд, Хоразм, Тошкент ва Сурхондарё вилоятларидаги 204 та объектдан (уй-жойлар, болалар боғчалари, боғ зоналари, йўл, коммунал инфратузилмаси ва ҳ.к.) иборат – НКМКнинг соҳага оид бўлмаган активлари рўйхати шакллантирилди.
Икки ой муддатда улар кейинчалик самарали фойдаланиш учун маҳаллий ижро этувчи ҳокимият органлари ва коммунал хизматларга берилади. Топширилаётган ва қабул қилинаётган активлар солиқ солиш объекти ҳисобланмайди.
Ҳужжат Қонун ҳужжатлари маълумотлари миллий базасида эълон қилинган ва 17.07.2019 йилдан кучга кирди.
Олег Заманов.
