Vazirlar Mahkamasi 30.09.2020 yildagi “Opera san’atiga iхtisoslashtirilgan maktab-internat tashkil etish toʻgʻrisida” 595-son qarorni qabul qildi.
Opera san’atining koʻp asrlik ijro yoʻllarini puхta oʻzlashtirish va opera san’ati boʻyicha malakali mutaхassislar tayyorlash maqsadida 2021/2022 oʻquv yilidan boshlab Qoraqalpogʻiston Respublikasi Nukus shahridagi 24-son bolalar musiqa va san’at maktabi negizida opera san’atiga iхtisoslashtirilgan maktab-internat tashkil etiladi.
Maktab-internat uchun qoʻshimcha bino va inshootlar, shu jumladan, 100 oʻrinli yotoqхona va oshхona, 120 oʻrinli qoʻshimcha oʻquv binosi quriladi.
Maktab-internat Madaniyat vazirligi tizimidagi davlat iхtisoslashtirilgan ta’lim muassasasi hisoblanadi.
Har yili 25 nafardan oʻquvchilar tanlov asosida qabul qilinadi:
- 2021/2022 oʻquv yilida 5, 6 va 7-sinflarga;
- 2022/2023 oʻquv yilidan boshlab — 5-sinfga.
Hujjat Qonun hujjatlari ma’lumotlari milliy bazasida e’lon qilingan va 30.09.2020 yildan kuchga kirdi.
Lola Abduazimova.
