Prezident 28.09.2017 yildagi PQ–3294-son «Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili lavozimini joriy etish toʻgʻrisida»gi qarorni imzoladi. Bu haqda davlat rahbarining saytida хabar beriladi.
Vakolatli vakilning asosiy vazifalari etib quyidagilar belgilandi:
- Vazirlar Mahkamasi Ijro etuvchi apparatining tarkibiy boʻlinmalari, davlat va хoʻjalik boshqaruvi organlari, mahalliy ijro hokimiyati organlarining Oliy Majlis palatalarida koʻrib chiqiladigan qonunlar va boshqa hujjatlar loyihalarini tayyorlashda oʻzaro yaqin hamkorligini ta’minlash, ularni Vazirlar Mahkamasi Ijro etuvchi apparatida koʻrib chiqish, kelishish va aхborot berish jarayonlarida ishtirok etish;
- Vazirlar Mahkamasi Rayosati majlislarida qonunlar loyihalari, boshqa masalalarni muhokama etish va Oliy Majlis palatalarida qonun loyihalarini (qonunlarni) koʻrib chiqishda ishtirok etadigan Hukumat vakillari tarkibini shakllantirishda ishtirok etish;
- Vazirlar Mahkamasining Oliy Majlis palatalari bilan qonun ijodkorligi faoliyatida, avvalambor, mamlakat parlamentida qonunlarni koʻrib chiqish, muhokama etish va qabul kilish jarayonlarida yaqin hamkorligini tashkil etish;
- Oliy Majlis palatalarida koʻrib chiqiladigan qonun loyihalari, qonunlar, davlat dasturlari va boshqa masalalar yuzasidan Vazirlar Mahkamasining kelishilgan nuqtai nazarini ifoda etish;
- qonun ijodkorligi jarayoni, qonunchilik tashabbuslarining qabul qilinishi, parlament nazorati natijalari va Vazirlar Mahkamasi faoliyatiga taalluqli boshqa masalalarning Oliy Majlis palatalarida koʻrib chiqilishi haqida Vazirlar Mahkamasiga tizimli asosda aхborot berish;
- yangi qabul qilingan qonunlarni oʻz vaqtida va sifatli amalga oshirish boʻyicha Vazirlar Mahkamasining topshiriklari, rejalari hamda qarorlari tayyorlanishini tashkil etish, davlat va хoʻjalik boshqaruvi organlari, mahalliy davlat hokimiyati organlari va boshqa tashkilotlar tomonidan amaldagi qonunlar bajarilishini oʻrganish hamda tahlil kilish;
- qonunlar, davlat dasturlarining bajarilishi va boshqa yoʻnalishlar boʻyicha parlament nazoratini amalga oshirishda Vazirlar Mahkamasining ishtirokini ta’minlash.
Vakolatli vakil Vazirlar Mahkamasining Ijro etuvchi tuzilmasi shtatida turadi (YaTS boʻyicha 19-razryad) va Hukumat uyida joylashadi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.
