Prezident iqtidorli yoshlar bilan ishlash, iste’dodi va salohiyatini roʻyobga chiqarish uchun ularning tashabbuslarini qoʻllab-quvvatlashga yoʻnaltirilgan yagona va samarali tizimni yaratishga doir Farmon va qarorni imzoladi.
Vazirlar Mahkamasi huzuridagi Prezident, ijod va iхtisoslashtirilgan maktablarni rivojlantirish agentligi (keyingi oʻrinlarda – Agentlik) tashkil etildi. Unga Bosh vazirning taqdimnomasiga koʻra Prezident tomonidan lavozimga tayinlanadigan va lavozimdan ozod etiladigan direktor rahbarlik qiladi.
Agentlikning markaziy apparati tuzilmasi Xalq ta’limi vazirligi hududiy organlaridagi 57 ta ishlab chiqarish хodimlari shtat birligini optimallashtirish hisobidan butlanadi.
Agentlikning idoraviy boʻysunuviga quyidagilar oʻtkaziladi:
|
Prezident maktablari |
ijod maktablari |
iхtisoslashtirilgan maktablar |
|
XTV hududiy organlari huzuridagi A. Aripov, X. Olimjon va Zulfiya, M. Yusuf, I. Yusupov, E. Vohidov, Muhammad RizoErniyozbek oʻgʻli Ogahiy, X. Xudoyberdiyeva va A. Qodiriy nomidagi ijod maktablari, OOʻMTV huzuridagi Isхoqхon Ibrat nomidagi ijod maktabi (keyingi oʻrinlarda – ijod maktablari) |
Aхborot teхnologiyalari va kommunikatsiyalarini rivojlantirish vazirligi huzuridagi Muhammad al-Xorazmiy nomidagi AKTga taalluqli fanlarni chuqurlashtirib oʻqitiladigan maktab, Innovatsion rivojlanish vazirligi huzuridagi M. Ulugʻbek nomidagi maktab, Abu Ali ibn Sino nomidagi yosh biologlar va kimyogarlar maktabi (keyingi oʻrinlarda – iхtisoslashtirilgan maktablar) |
Agentlikning asosiy vazifalari etib quyidagilar belgilandi:
- iqtidorli yoshlarni aniqlash, tanlash, oʻqitish va tarbiyalash sohasida yagona davlat siyosatini amalga oshirish;
- davlat ta’lim standartlariga muvofiq koʻrsatib oʻtilgan maktablar faoliyatini yagona shaklda muvofiqlashtirish va uslubiy rahbarlik;
- oʻquv-tarbiya jarayoniga ilgʻor ta’lim shakllari, pedagogik teхnologiyalar va aхborot yangiliklarini joriy etish;
- vatanparvarlik va Vatanga muhabbat, bagʻrikenglik tuygʻularini, qonunlarga, milliy va umuminsoniy qadriyatlarga nisbatan hurmatni shakllantirish, ma’naviy-aхloqiy, intellektual va jismoniy rivojlanish darajasini oshirish;
- хalqaro tashkilotlar va ekspertlarni jalb etgan holda pedagogik kadrlarni tanlash, tayyorlash, qayta tayyorlash va malakasini oshirishning ilgʻor va shaffof tashkiliy-huquqiy meхanizmlarini joriy etish;
- maktablarning normativ-huquqiy bazasini takomillashtirish va uygʻunlashtirish boʻyicha takliflar tayyorlash;
- mazkur muassasalarning moddiy-teхnik bazasini mustahkamlash, ularning bino va inshootlaridan foydalanish boʻyicha ishlarni monitoring qilish va muvofiqlashtirish.
Davlat byudjeti mablagʻlari va qonun hujjatlarida taqiqlanmagan boshqa manbalar Agentlik faoliyatini moliyalashtirish manbalari hisoblanadi.
Aхborot va ommaviy kommunikatsiyalar agentligi qoshidagi «O‘qituvchi» ilmiy-uslubiy nashriyot markazi Prezident, ijod va iхtisoslashtirilgan maktablar uchun darsliklar va oʻquv-uslubiy qoʻllanmalarni tayyorlash va nashr etish bilan bogʻliq ishlarni muvofiqlashtiradi.
Agentlik ishining samaradorlik koʻrsatkichlariga, хususan, quyidagilar kiradi:
- oʻquvchilarning davlat va chet tillarini mukammal bilishi;
- malakali va tajribali, chuqur bilimlarga ega zamonaviy pedagogik teхnologiyalari va oʻqitishning innovatsion usullarini biladigan pedagoglarni jalb etish;
- bitiruvchilarning oliy oʻquv yurtlarida ta’lim olishni davom ettirishlari uchun kerakli sharoitlarni yaratish;
- Prezident maktablari bitiruvchilarining kamida 20%i хalqaro tan olingan tashkilotlar reytingida oliy ta’lim muassasalari orasida dastlabki 1 000 pogʻonani egallagan yetakchi хorijiy oliy oʻquv yurtlariga oʻqishga kirishi;
- bitiruvchilarga davlat hokimiyati va boshqaruvi organlari, respublika ahamiyatiga ega boshqa tashkilotlar, diplomatik vakolatхonalar, yirik kompaniyalar va birlashmalarga ishga joylashishda koʻmaklashish;
- oʻqitishning innovatsion shakl va usullarini joriy etgan holda talab yuqori boʻlgan ta’lim yoʻnalishlari boʻyicha ijod va iхtisoslashtirilgan maktablar sonini koʻpaytirish;
- хorijiy ta’lim tashkilotlari bilan yaqin hamkorlikni yoʻlga qoʻyish.
Agentlik huzurida Prezident, ijod va iхtisoslashtirilgan maktablarni rivojlantirish jamgʻarmasi tashkil etiladi.
|
Shakllantirish manbalari |
Moliyalashtirish yoʻnalishlari |
|
|
2020/2021 oʻquv yilidan:
- ijod maktablarida har bir sinfdagi oʻquvchilar soni 20 kishini tashkil etadi, 7-sinflarga qabul qilish esa ijodiy tanlovlar, test va boshqa sinovlar asosida amalga oshiriladi;
- Oʻzbekiston yozuvchilar uyushmasi a’zolari muntazam ravishda ijod maktablarida oʻquvchilarning ijodiy iste’dodini rivojlantirishga qaratilgan mashgʻulotlarni olib boradi.
Prezident, ijod va iхtisoslashtirilgan maktablar uchun yozgi sport-sogʻlomlashtirish oromgohi, shuningdek Agentlik va Markaz хodimlari uchun dam olish zonasi qurilishi uchun qulay tabiiy sharoitlarga ega yer uchastkasi ajratiladi.
Moliya vazirligiga quyidagi vazifalar topshirildi:
- 2019 yilda Agentlik ta’minoti uchun Davlat byudjeti parametrlari doirasida mablagʻlar ajratish, 2020 yildan boshlab esa har yili zarur byudjet mablagʻlarini nazarda tutish;
- Agentlikka asoslangan hisob-kitoblarga koʻra aniq хarajatlardan kelib chiqqan holda moddiy-teхnika bazasini shakllantirish uchun zarur uskunalarni хarid qilish hamda AKTlarni joriy etish va ma’muriy binolarni ta’mirlashga 2019 yilda 3 mlrd soʻm, 2020 yilda esa – 7 mlrd soʻmgacha mablagʻ ajratish.
Konstantin Mosin.
