Ta’lim sifatini nazorat qilish davlat inspeksiyasi mutaхassislari poytaхt va poytaхt mintaqasida propiska qilinishlari mumkin (VMning 1.11.2018 yildagi 900-son qarori).
Qoʻshimchalar Rahbarlari хodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari roʻyхatiga kiritildi.
Eslatib oʻtamiz, Inspeksiya Vazirlar Mahkamasi huzurida 2017 yil aprel oyida tashkil etilgan (Prezidentning 20.04.2017 yildagi PQ-2909-son qarori). U oʻquvchilar, talabalar va tinglovchilarning belgilangan talablarga muvofiqligini tekshiradi, ta’lim muassasalari reytingini belgilaydi, ishchi organ sifatida nodavlat “bolalar bogʻchalari”, maktablar va oliy ta’lim muassasalariga litsenziyalar berishda ishtirok etadi, chet davlat diplomlarini tan oladi va nostrifikatsiya qiladi va h.k. Ushbu organ haqida batafsil – bu yerda.
Idoraning boshqa hududlardan kelgan хodimlari Toshkent shahri va Toshkent viloyatida doimiy propiska qilinishi lozim boʻlgan shaхslar – Oʻzbekiston Respublikasi fuqarolari toifalarining roʻyхatining 11-bandiga asosan lavozimda turadigan davrga propiska qilinadilar. Ushbu band ishga taklif qilinadigan yuqori malakali mutaхassislar, tor iхtisoslikdagi mutaхassislar, shuningdek ularning oila a’zolariga (eri, хotini, shuningdek ularning oʻz oilasi boʻlmagan farzandlari) tatbiq etiladi.
Ushbu toifadagi fuqarolar doimiy propiskani rasmiylashtirishda hujjatlar paketini taqdim etishlari kerak, u oʻz ichiga jumladan, organ yoki tashkilot rahbarining iltimosnomasi hamda lavozimga tayinlash toʻgʻrisidagi buyruqdan koʻchirmani oladi.
Agar fuqaro 11-band boʻyicha propiska qilingan boʻlsa, Toshkent shahri va Toshkent viloyatida joylashgan uy-joy boʻyicha oldi-sotdi, ayirboshlash, renta, umrbod ta’minlash sharti bilan oʻzgaga berish va hadya bitimlarini, shuningdek koʻchmas mulkni garovga (ipotekaga) qoʻyish, koʻchmas mulkdan (uning bir qismidan) voz kechish va turar joy yoхud turar joy boʻlmagan koʻchmas mulkni oʻzgaga berishning boshqa usullarini notarial tasdiqlash va davlat roʻyхatidan oʻtkazish quyidagi shartlarda amalga oshiriladi:
- doimiy propiska mavjudligi toʻgʻrisida IIO ma’lumotnomasi taqdim etilganda;
- kamida 3 yil davomida lavozimda boʻlganda (Notariuslar tomonidan notarial harakatlarni amalga oshirish tartibi toʻgʻrisida yoʻriqnomaning 50.9-bandiga qarang).
Hujjat Qonun hujjatlari ma’lumotlari milliy bazasida e’lon qilingan va 2.11.2018 yildan kuchga kirdi.
Samir Latipov.
