Hukumat Qashqadaryo viloyatida yangi turizm yoʻnalishlarini tashkil etish boʻyicha chora-tadbirlar rejasini tasdiqladi (VMning 8.03.2019 yildagi 198-son qarori). Adliya vazirligi shu haqda хabar berdi.
Xususan, mintaqada quyidagilar tashkil etiladi:
- etnoturizm yoʻnalishi – Gʻilon va Koʻl qishloqlarida, har birida 5 tadan mehmon uylari quriladi. Shuningdek etnoqishloq – Amir Temur jangchilarining harbiy tayyorgarlik lageriga asos solinadi;
- agroturizm yoʻnalishi – Varganza va Hazrati Bashir qishloqlarida. Ushbu yoʻnalish doirasida «Anor» festivali oʻtkaziladi;
- ekstremal turizm – Tatar, Zarmast va Vari qishloqlarida. Ularning har birida 5 ta mehmon uylari, 5 ta kemping va 10 ta oʻtov quriladi;
- ekologik turizm – Sarchashma va Suvtushar qishloqlarida;
- astronomik turizm – Kitob kenglik stansiyasi hududida.
«Festivallar shahri» brendi ostida MICE-turizm (ingl. Meetings, Incentives, Conferences, Events, ya’ni ishbilarmonlik turizmi – tahr.) yoʻnalishi ochiladi.
