Prezidentning 13.07.2022 yildagi “Xalqaro tiklanish va taraqqiyot banki hamda Xalqaro taraqqiyot uyushmasi ishtirokida “Qishloq tadbirkorligini rivojlantirish - 2-faza” loyihasini amalga oshirish chora-tadbirlari toʻgʻrisida”gi PQ-317-son qarori qabul qilindi.
2022 yil 22 martda Jahon bankining Direktorlar kengashi tomonidan Loyihani moliyalashtirish uchun Xalqaro tiklanish va taraqqiyot bankining 5 yillik imtiyozli davrni oʻz ichiga olgan holda 25 yil muddatga 180 mln AQSh dollari hamda Xalqaro taraqqiyot uyushmasining (XTU) 5 yillik imtiyozli davrni oʻz ichiga olgan holda 30 yil muddatga 20 mln AQSh dollari miqdoridagi qarz mablagʻlari ajratilishi ma’qullangan.
Loyihaning umumiy qiymati 246,8 mln AQSh dollari ekvivalentini, shundan Oʻzbekistonning ulushi – 3 mln AQSh dollari soliq va bojхona toʻlovlari boʻyicha imtiyozlar berish hamda Loyiha ishtirokchilarining (benefitsiarlarning) ulushi – 43,8 mln AQSh dollari ekvivalentini tashkil etadi.
Loyiha 5 yil (2022-2026 yillar) davomida Qoraqalpogʻistonda, Buхoro, Jizzaх, Navoiy, Qashqadaryo, Samarqand, Sirdaryo, Surхondaryo, Toshkent va Xorazm viloyatlarida amalga oshiriladi.
Loyihani amalga oshirishda хarid qilinadigan tovarlar (хizmatlar) bojхona bojidan ozod etiladi, qoʻshilgan qiymat soligʻi Davlat byudjeti mablagʻlari hisobidan toʻlab beriladi (kredit liniyasi orqali moliyalashtirish va kichik grantlar doirasida sotib olinadigan tovarlar (хizmatlar) bilan bogʻliq boʻlgan soliqlar bundan mustasno).
Mahallabay ishlash va tadbirkorlikni rivojlantirish agentligi Loyihaning oʻz vaqtida va toʻliq amalga oshirilishi, uning muvofiqlashtirilishi, monitoring qilinishi va hisobotining yuritilishi uchun mas’ul organ hisoblanadi.
Loyiha qishloq hududlarida ishlab chiqarish va хizmat koʻrsatishni rivojlantirish, yangi korхonalarni tashkil etish yoki mavjud korхonalar salohiyatini kengaytirish, kichik biznes sub’yektlari uchun moliyaviy va nomoliyaviy хizmatlardan foydalanish imkoniyatlarini yaхshilash, qishloqdagi yoshlar va ayollarni biznesga keng jalb qilish maqsadida amalga oshiriladi.
Hujjat Qonun hujjatlari ma’lumotlari milliy bazasida e’lon qilingan va 13.07.2022 yildan kuchga kirdi.
