Prezident Islom Karimov 1 iyul kuni “Ramazon hayitini nishonlash toʻgʻrisida”gi Qarorni imzoladi.
Hujjatda qayd qilinganidek, Oʻzbekiston musulmonlari idorasining qarorini e’tiborga olib, bu yil Ramazon hayitining birinchi kuni 6 iyul chorshanba kuniga toʻgʻri keldi. Bu kun dam olish kuni deb belgilandi va mamlakatimizda bayram sifatida keng nishonlanadi.
Qarorda muborak Ramazon hayitining oʻzbek хalqining ma’naviy hayotidagi, milliy-diniy an’analarimizni asrab-avaylashdagi oʻrni va ahamiyati qayd qilindi. Bu ezgulik, shukronalik, mehr-oqibat bayramidir.
Respublika “Nuroniy”, “Mahalla” jamgʻarmalari va boshqa mutasaddi idoralar, jamoat tashkilotlariga Ramazon hayitini tartibli va yuqori darajada, хalqimizning milliy qadriyatlariga mos ravishda oʻtkazish uchun tegishli tadbirlarni amalga oshirish topshirildi.
.png)
