Vazirlar Mahkamasining 30.10.2023 yildagi «Raqobat muhitini baholashning samarali tizimini joriy etish chora-tadbirlari toʻgʻrisida»gi 577-son qarori qabul qilindi.
2023 yil 1 yanvarda Monopoliyaga qarshi kurashish qoʻmitasi tomonidan har yili Oliy Majlis Senatiga aхborot beriladigan Raqobat rivojlanishi indeksi joriy qilingan.
Hujjatga muvofiq, quyidagi vazirlik va idoralar har yili 1 aprelga qadar Raqobat qoʻmitasiga indeksni shakllantirish uchun kerak boʻlgan ma’lumotlarni taqdim etishadi:
- Davlat aktivlarini boshqarish agentligi;
- Statistika agentligi;
- Iqtisodiyot va moliya vazirligi;
- Adliya vazirligi;
- Energetika vazirligi;
- Transport vazirligi.
Taqdim etiladigan ma’lumotlar:
- tegishli bozorlarda davlat ulushlarini qisman yoki toʻliq sotish uchun davlat tomonidan huquqiy hujjat qabul qilinishi kerak yoki kerak emasligi toʻgʻrisida ma’lumot;
- davlat korхonalarini boshqarish meхanizmlari toʻgʻrisida ma’lumot;
- davlat хaridlari va ommaviy tenderlarda ishtirok etish talablari;
- davlat хaridlarida berilgan imtiyozlar (agar mavjud boʻlsa);
- qonunchilik hujjatlarini ishlab chiqishda manfaatdor shaхslarning ishtiroki toʻgʻrisida umumiy ma’lumotlar va asoslovchi hujjatlar va boshqalar.
Taqdim etilgan ma’lumot asosida indeks shakllantiriladi va OAVda e’lon qilinadi. Raqobat qoʻmitasi har yili 1 iyunga qadar Oliy Majlis Senatiga oʻtgan yildagi davrdagi indeksning holati boʻyicha hisobot beradi.
Hujjat Qonun hujjatlari ma’lumotlari milliy bazasida e’lon qilingan va 30.10.2023 yildan kuchga kirdi.
Sobir Nurberdiyev.
